Հայ-իսրայէլական յարաբերութիւններու զարգաման ուղղութեամբ ձեռնարկուող քայլերը, ապակենտրոնացուած փոխգործակցութիւնը, մշակութային շփումներու աշխուժացումն ու զբօսաշրջութեան խթանմանն առնչուող շարք մը հարցեր քննարկած են Նոյեմբեր 6-ին Թել-Ավիւի մէջ ՀՀ արտաքին գործոց նախարար Էդուարդ Նալպանտեան եւ Իսրայէլի Քնեսէթի փոխխօսնակ, Հայաստան-Իսրայէլ խորհրդարանական բարեկամութեան խումբի ղեկավար Թալի Փլոսքով:
Էդուարդ Նալպանտեան ընդգծած է միջխորհրդարանական կապերու յետագայ ընդլայնման կարեւորութիւնը` արժեւորելով երկու երկիրներու խորհրդարաններուն մէջ գործող բարեկամական խումբերու համագործակցութիւնը, «Հայաստան–Իսրայէլ» հասարակական ֆորումի գործունէութիւնը:
Անդրադարձ կատարուած է հայ-հրէական պատմական առնչութիւններուն, Իսրայէլի հայկական համայնքին եւ Հայաստանի հրէական համայնքի գործունէութեան:
Հայաստանի արտաքին գործոց նախարարն ու Իսրայէլի Քնեսէթի փոխխօսնակը մտքեր փոխանակած են շարք մը հրատապ տարածաշրջանային հարցերու շուրջ:
All the contents on this site are copyrighted ©. |