Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:
Ռատիօ Վատիկան

Սկզբնաէջը / Ֆրանչիսկոս Քահանայապետ / Գործունէութիւն

Ֆրանչիսկոս Սրբազան Քահանայապետին գործունէութիւնը։


(Ռատիօ Վատիկան) Ուրբաթ 17 Մարտ 2017-ին Ֆրանչիսկոս Սրբազան Քահանայապետի օրակարգը սկիզբ առաւ առաքելական պալատի Ռետեմթորիս Մաթեր մատրան մէջ կայացած Քառասնորդացի 2-րդ խորհրդածութեամբ զոր ներկայացուց Առաքելական Տան Քարոզիչը Հայր Ռանիերօ Քանթալամեսսան որ այս տարուայ որպէս նիւթ ընտրած է ''Ոչ ոք կարող է ըսել Յիսուս Տէրն է` եթէ ոչ Սուրբ Հոգիով'' (Ա Կորընթաց. 12,3)։

Ֆրանչիսկոս Պապ ապա իր գրասենեակին մէջ ընդունեց “Catholic Theological Ethics in the World Church” ընկերակցութեան 7 հոգիէ կազմուած պատուիրակութիւն մը որմէ ետք ընդունեց Վատիկանի Տնտեսութեան Քարտուղարութեան կառավարիչը` կարդինալ Փել ու Վրաստանի Հայաստանի  եւ Ատրպէյճանի մօտ առաքելական նուիրակ գերապայծառ Մարեք Սոլչինսքին։

Սրբազան Քահանայապետը հուսկ ժամը 11.30-ին Պօղոս Զ անուան դահլիճին մէջ ունկնդրութիւն շնորհեց Ապաշխարութեան Առաքելական  ատեանի կողմէ կազմակերպուած դասընթացքին 700 մասնակցողներուն։ Իսկ յետմիջօրէի 5-ին Վատիկանի Սուրբ Պետրոսի մայր Տաճարին մէջ Սրբազան Պապը կը գլխաւորէ ապաշխարութեան ծիսակատարութիւնը։