Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Միջազգային

Թրամփ կը հաստատէ. «Փոմփէօ հանդիպում ունեցած է Քիմ Չեն Ընի հետ»

Միացեալ Նահանգներու նախագահ - REUTERS

19/04/2018 09:29

Միացեալ Նահանգներու նախագահ Տանըլտ Թրամփ հաստատած է, որ «Սի.Այ.Էյ.»-ի նախկին ղեկավար, Միացեալ Նահանգներու արտաքին գործոց նախարարի պաշտօնի թեկնածու Մայք Փոմփէօ հանդիպում ունեցած է Հիւսիսային Քորէայի ղեկավար Քիմ Չեն Ընի հետ: «Կազեթա» կը հաղորդէ, որ Թրամփ այս մասին գրած է «Թուիթըր»-ի վրայ:

Թրամփի համաձայն, հանդիպումը շատ լաւ անցած է, Ընի հետ հանդիպումին մանրամասնութիւնները ներկայիս կը մշակուին: «Ապահիւլէականացումը հիանալի բան պիտի ըլլայ ամբողջ աշխարհի համար», գրած է ան:

Նախապէս գաղտնի հանդիպման մասին հաղորդած էր «Տը Ուաշինկթըն Փոսթ» օրաթերթը: Նշենք, որ մայիսին կը նախատեսուի Թրամփի եւ Ընի հանդիպումը:

19/04/2018 09:29