Դեսպան Մինասեան՝ Նարեկացիի արձանը կամուրջ է հայ ժողովուրդի եւ աշխարհի միջեւ։

(Ռատիօ Վատիկան) Վատիկանի մէջ Նարեկացիի արձանի բացման եւ օրհնութեան արարողութեան նախօրեակին Նարեկացիի արձանի իրագործումն ու զետեղումը երաշխաւորող Սուրբ Աթոռի մօտ հաւատարմագրուած Հայաստանի Հանրապետութեան արտակարգ եւ լիազօր դեսպան՝ Վսեմաշուք Տիար Միքայէլ Մինասեան, «Վատիկան Նիուզ» գործակալութեան հետ ունեցած զրոյցի մը ընթացքին հաստատեց թէ Նարեկացիի արձանը ապացոյց է մեր գոյութեան ու թէ Նարեկացին միշտ կամուրջ հանդիսացած է երկրի եւ երկնքի միջեւ եւ է նաեւ կամուրջ ընդմէջ Հայութեան ու աշխարհին միջեւ։