Եւրոհայկական 23-րդ խաղերը հիւրընկալուեցան Վիեննայի մէջ

Եւրոհայկական 23-րդ մարզական խաղերը   /EAG/ այս տարի տեղի ունեցան Վիեննայի մէջ` մարտ 30-էն մինչեւ ապրիլ 2: Վիեննայի «Արարատ հայկական միութենէն Սեդա Տէր-Մինասեան, «Հայերն այսօր»-ին յայտնած է  թէ շուրջ 750 մարզիկ աշխարհի 15 երկրէ (Հոլանտա, Ֆրանսա, Գերմանիա, Պելճիգա, Չեխիա, Ռուսաստան, Նորվեկիա, Վրաստան, Անգլիա, Իտալիա, Զուիցերիա, Արաբական Միացեալ Էմիրութիւններ, Թուրքիա, Հայաստան, Աւստրիա) հայորդի  մարզիկներ Վիեննա ժամանած էին Խաղերուն մասնակցելու համար։  Ձեռնարկի պաշտօնական բացումը տեղի  ունեցաւ մարտ 31-ի առաւօտեան որուն առթիւ ողջոյնի խօսքով հանդէս  եկաւ աշխատանքային այցով Վիեննա գտնուող ՀՀ սփիւռքի նախարար Հրանոյշ Յակոբեանը:

Այս տարուայ Սուրբ Զատիկի տօնը Եւրոպայի հայերը միասնական նշեցին  Սբ. Հռիփսիմէ եւ Մխիթարեան միաբանութեան եկեղեցիներուն մէջ:

Յայտնենք թէ Համաեւրոպական խաղերն ամէնամեայ են եւ տեղի կ’ունենան եւրոպական որեւէ երկրի մէջ` Յիսուս Քրիստոսի Հրաշափառ Յարութեան եւ անոր նախորդող օրերուն: Համաեւրոպական հայկական խաղերու կազմակերպումը կը նպաստէ նաեւ սփիւռքահայ երիտասարդներու համախմբման ու ազգային ինքնութեան պահպանման: