2018-03-12 12:00:00

Հայաստանի մօտ նորանշանակ առաքելական նուիրակի եպիսկոպոսական ձեռնադրութիւնը՝ 19 Մարտին։


(Ռատիօ Վատիկան) Յառաջիկայ 19 մարտ 2018-ին, Սուրբ Յովսէփի տօնին օրը, երեկոյեան 5-ին, Ֆրանչիսկոս Սրբազան Քահանայապետը՝ Սուրբ Պետրոսի մայր տաճարին մէջ մատուցած  Սուրբ պատարագի ընթացքին եպիսկոպոսական օծում պիտի շնորհէ երեք նոր եպիսկոպոսներու որոնց շարքին է Հայաստանի ու Վրաստանի մօտ նոր անուանուած առաքելական նուիրակը՝  Փորթուկալցի Գերապայծառ Խօսէ Ավելինօ Պեթթենքուրը։ Ինչպէս արդեն տեղեկացուցած էինք գերապայծառ Պեթանքուրը մինչեւ օրս կը վարէր Վատիկանի Պետական Քարտուղարութեան  արարողակարգի (փրոթոքոլ) ղեկավարի պաշտօնը։ Ան ծնած է Փորթուկալի մէջ՝ 23 մայիս 1992-ին, Քահանայ ձեռնադրուած է 23 մայիս 1993-ին ու Իտալիոյ Չիթթանովա քաղաքին տիտղոսաւոր արքեպիսկոպոս ընտրուած է 26 փետրուար 2018-ին։

Գերապայծառ Պեթանքուրի հետ միասին եպիսկոպոսական օծում պիտի ստանան նաեւ՝ ծագումով Լեհ գերապայծառ Վալտեմար Սթանիզլաւ Սոմմերթակը, Նիքարակուայի մօտ նորանշանակ առաքելական դեսպան եւ Մալթացի Գերապայծառ Ալֆրետ Զուերեպ՝ Քորէայի մօտ նորանշանակ առաքելական դեսպան։ 








All the contents on this site are copyrighted ©.