Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ոչ եւս է Կարդինալ Լեհման՝ Ֆրանչիսկոս Պապին ցաւակցագիրը։

Կարդինալ Քարլ Լեհման - AP

12/03/2018 12:05

(Ռատիօ Վատիկան) Անցեալ 11 մարտ 2018-ին, իր մահկանացուն կնքեց 81 ամեայ գերմանացի Կարդինալ Քարլ Լեհմանը։ Մահուան լուրին առթիւ Սրբազան Քահանայապետը ցաւակցական հեռագիր մը յղեց որուն միջոցաւ ցաւակցութիւնները  յայտնեց Գերմանիոյ«Մէյնզ» թեմի առաջնրոդին ու հաւատացեալներուն ապահովեցնելով իր աղօթքները հանգուցեալ կարդինալին համար, որ՝ գրեց Սրբազան Քահանայապետը «Տէրը իրեն կոչեց երկար ու ցաւալի հիւանդութեան մը աւարտին»։  Ֆրանչիսկոս Պապ մատնանշեց ապա Ծիրանաւորին եկեղեցւոյ մատուցած ծառայութեան, բաց սիրտ մը ունենալով ժամանակի մարտահրաւէրներուն ու հարցադրումներուն նկատմամբ, գրեց Նորին Սրբութիւնը, ընդգծելով նաեւ թէ Կարդինալ Լեհման այդ ուղղութեամբ յանձնառու եղաւ նաեւ պատասխաններ տալու ու մարդիկը առաջնորդելու իրենց ուղեւորութեան մէջ,  մեկնելով Քրիստոսի պատգամէն ու որոնելով միշտ այն ինչ որ կը միաւորէ, անկախ դաւանանքներէ, համոզումներէ ու Պետութիւններէ։

«Յիսուս՝ Բարի Հովիւը, իր հաւատարիմ ծառային պարգեւէ կեանքի լիութիւն՝   երկնքի թագաւորութեան մէջ»  գրեց ապա Քահանայապետը հեռագիրի աւարտին իր առաքելական օրհնութիւնը շնորհելով բոլոր անոնց որոնք կ՛ողբան կարդինալին մահը։

12/03/2018 12:05