Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ֆրանչիսկոս Պապ ընդունեց «Գթութեան աղբիւր» ընկերակցութեան անդմաները։

Ֆրանչիսկոս Պապ

10/03/2018 12:45

(Ռատիօ Վատիկան) Շաբաթ՝ 10 մարտ 2018-ի առաւօտեան, Ֆրանչիսկոս Սրբազան Քահանայապետը իր գրասենեակին մէջ յաջորդաբար ընդունեց Կարդինալ Մարք Ուելլէն՝ եպիսկոպոսներու Ժողովի կառավարիչը, գերապայծառ Սիփրիէն Քիզիթօ Լուանկան՝ Քամփալայի արքեպիսկոպոսը, գերապայծառ Օսքար Զանքեթթա՝ Առաքելական Աթոռի կալուածներու մատակարարութեան յանձնակատար,Կարդինալ Լէօփոլտօ Սոլորզանոն՝ Մանակուայի Արքեպիսկոպոս, ապա «Fontaine de la Misericorde – Գթութեան աղբիւր” Զուիցերական ընկերակցութեան անդամները։

Այս վերջիններուս հետ հանդիպման ընթացքին Սրբազան Քահանայապետը անոնց ուղղեց Ճառ մը իր ուրախութիւնը յայտնելով զանոնք ընդունելուն համար ու գնահատեց անոնց տածած աշխատանքը որով կը փորձարկուի Տիրոջ ողորմածութիւնը եւ որուն միջոցաւ Տէրը զանոնք առաջնորդեց փնտռելու այդ ողորմութիւնը ու որոնելու միջոցներ որպէսզի ան արմատացած մնայ իրենց սրտերուն մէջ եւ անդորրութեամբ դիմագրաւելու առօրեան։

Քահանայապետը քաջալերեց ներկաները յարատեւելու աղօթքի ուղեւորութեան մէջ, ուր ըսաւ Ան, կը կայանայ սիրտ սրտի հետ հանդիպումը Տիրոջ հետ, ու մաղթեց որ անոնք եւս դառնան Աստուծոյ ողորմութեան վկաներ, ողորմութիւնը որ կոչ մըն է բոլոր մարդոց ճանչնալու  գեղեցկութիւնն ու ուրախութիւնը՝ սիրուած ըլլալու Անորմէ։

Ֆրանչիսկոս Պապ հուսկ քաջալերեց ներկաները, եղբայրական կենցաղով եւ Սուրբ Հոգիիn օգնութեամբ խթանելու ողորմութեան մշակոյթը, հիմնուած ուրիշի հետ հանդիպումին վրայ, մշակոյթ մը ուր ոչ մէկը միւսին նայի անտարբերութեամբ եւ իր հայեացքը այլուր չի դարձնէ երբ տեսնէ որ իր եղբայրը կը տառապի։

«Այս յոյսով է որ ձեզ կը յանձնեմ Տիրոջ ու Սուրբ Կոյս Մարիամի բարեխօսութեան» ըսաւ ապա Սրբազան Քահանայապետը ու նախ քան իր ճառը եզրափակելը ներկաներէն  խնդրեց որ աղօթեն իրեն համար հուսկ բոլորին շնորհեց իր առաքելական օրինութիւնը։

10/03/2018 12:45