Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ֆրանչիսկոս Պապի քարոզը ապաշխարութեան ծիսակատարութեան առթիւ:

Ֆրանչիսկոս Պապ - AP

10/03/2018 10:30

(Ռատիօ Վատիկան) Ուրբաթ, 10 մարտ 2018-ին, յետմիջօրէին՝ 5,00ին,  «24 ժամ Տիրոջ համար» ձեռնարկի ծիրէն ներս, Սուրբ Պետրոսի տաճարին մէջ  Ֆրանչիսկոս Պապ նախագահեց Ապաշխարութեան աղօթքի ծիսակատարութիւն, որուն ընթացքին մի քանի հաւատացեալներուն մատակարարեց Սուրբ խոստովանանքի խորհուրդը:

Ապաշխարանքի արարողութեան ընթացքին ներկայացուցած քարոզին սկիզբը   Ֆրանչիսկոս Պապ մէջբերելով Յովհաննէս աւետարանիչի գիրքէն հատուած մը,  ուր խօսուի  Աստուծոյ անհուն սիրոյ մասին,   դիտել տուաւ որ «Աստուծոյ  սէրը միշտ  աւելի մեծ  է   քան մեր երեւակայածը եւ Անոր Սէրը   կը տարածուի  մեր բոլոր մեղքերու  վրայ» Ան ապա աւելցուց  թէ Աստուծոյ  Սէրը  զուրկ է սահմաններէ  ու այն  բոլոր  խոչընդոտներէն  որոնք յաճախ կը դնենք անձի մը դիմաց ՝դրդուած այն վախէն որ պիտի զրկուինք մեր ազատութենէն:  

Նորին Սրբութիւնը ապա  անդրադարձաւ մեղքի հետեանքներուն մասին նշելով որ մեղքը մեզ Աստուծմէ կը հեռացնէ՝  դիտել տալով  սակայն՝ որ այդ մէկը չի նշանակեր որ Աստուած մեզմէ հեռու կը մնայ ՝ընդհակառակը  մեր մեղքի եւ տկարութեան իրավիճակը առաւել պատճառ մըն է՝  Աստուծոյ համար՝ մեր մօտ կանգնելու համար: 

Սրբազան Հայրը ապա նշեց թէ Աստուծոյ շնորհքը պիտի շարունակէ ներգործել մեր մէջ՝ աւելի զօրեղ դարձնելու համար այն յոյսը,  որ մենք երբեք պիտի չի զրկուինք Աստուծոյ սէրէն՝ հակառակ մեր գործած բոլոր մեղքերուն։

 «Այս յոյսը մեզ  կը մղէ գիտակցելու թէ յաճախ մեր կեանքը մոլորումի ենթարկուած է, ինչպէս պատահեցաւ Սուրբ Պետրոսին  հետ, երբ  աքաղաղին երգով յիշեց Յիսուսին խօսքերը որ Անոր ըսած էր «աքաղաղի երգէն  առաջ դուն ինձ պիտի ուրանաս երեք անգամ»։ Աքաղաղին կանչով

Պետրոս կը հասկնայ թէ Աստուած յայտնուեցաւ  իր կողմէ անարգուած եւ  ուրացած Քրիստոսի մէջ, որ իրեն  համար պիտի զոհուի: Պետրոս ինքզինք կը չափէ Տիրոջ գթութեան հետ ու վերջապէս կը հասկնայ, թէ Տէրը զինք կը սիրէ ու կը խնդրէ,  որ ինք թոյլ տայ որ սիրուի։ Պետրոս կ՛անդրադառնայ թէ ինք միշտ մերժած էր թոյլ տալու Տիրոջ որ զինք սիրէ, մերժած էր Յիսուսէն  փրկուիլ լիապէս ըսաւ ապա Քահանայապետը ապա քարոզի աւարտին հայցեց շնորհքը ճանչնալու Աստուծոյ սիրոյ մեծութիւնը որ կը ջնջէ ամէն մեղք նոյնիսկ ամէնէն մեծը։ 

 «Որքան  դժուար է , թոյլ տալ  իսկապէս  սիրուելու,  յաճախ կը փափաքինք չի կապուիլ երախտագիտութեան, մինչ՝  իրականութեան մէջ մենք պարտական ենք ամէն ինչի,  Որովհետեւ Աստուած՝ առաջինն է  որ մեզ ամբողջութեամբ կը փրկէ իր սիրով : Թոյլ տանք ուրեմն որ Անոր սէրը բիւրեղացնէ մեզ որպէսզի ճանչնանք իսկական սէրը ըսաւ Սրբազան Քահանայապետը  եզրափակելով իր քարոզը։

 

10/03/2018 10:30