Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Միջազգային

Թրամփ ընդունած է Քիմ Չեն Ընի հետ հանդիպելու առաջարկը

Թրամփ եւ Քիմ Չեն - AP

10/03/2018 10:12

Միացեալ Նահանգներու նախագահ Տանըլտ Թրամփ համաձայնած է հանդիպիլ Հիւսիսային Քորէայի ղեկավար Քիմ Չեն Ընի հետ: «Սի.Էն.Էն.» կը հաղորդէ, որ այս մասին յայտարարած է Սպիտակ տան բանբեր Սառա Սանտըրզ:

Անոր համաձայն, հանդիպումին ժամանակն ու վայրը պիտի ճշդուին աւելի ուշ, միեւնոյն ժամանակ, Հիւսիսային Քորէայի դէմ պատժամիջոցները եւ ճնշումը պիտի պահպանուին:

Սպիտակ տան բանբերը յայտնած է. «Ան կ՛ընդունի Քիմ Չեն Ընի հետ հանդիպելու հրաւէրը այն վայրին մէջ եւ այն ժամանակ, որոնք հետագային պիտի որոշուին: Մենք անհամբեր կը սպասենք Հիւսիսային Քորէայի կողմէ հիւլէական ծրագիրէն հրաժարելուն: Միեւնոյն ժամանակ, պէտք է պահպանուին բոլոր պատժամիջոցները եւ առաւելագոյն ճնշումը»:

Այս հանդիպումը պիտի ըլլայ առաջինը Միացեալ Նահանգներու եւ Հիւսիսային Քորէայի նախագահներու միջեւ:

Հարաւային Քորէայի նախագահի ազգային անվտանգութեան խորհրդատու Չոն Իյ Եոնի համաձայն, հանդիպումը տեղի պիտի ունենայ մինչեւ մայիս:

Չոն Իյ Եոն հանդիպումին հրաւէրը Թրամփին փոխանցած է Փիոնկիանկ իր պատուիրակութեան այցելութենէն ետք: Ան Ուաշինկթընի մէջ լրագրողներուն յայտնած է, որ Հիւսիսային Քորէայի ղեկավարը պատրաստ է հրաժարելու իր հիւլէական ծրագիրէն եւ հանդիպելու Թրամփի հետ

 

10/03/2018 10:12