2018-03-07 14:17:00

Մօտ ապագային Սուրբ պիտի հռչակուին հինգ երանելիներ որոնց շարքին Երանելի Պօղոս Զ Պապը


(Ռատիօ Վատիկան) Երեքշաբթի, 6 մարտ 2018-ին, Ֆրանչիսկոս Սրբազան Քահանայապետ Վատիկանի իր գրասենեակին մէջ ընդունեց Սուրբերու դատի ժողովի նախագահ կարդինալ Անճելօ Ամաթոն ու այս առթիւ անոր արտօնութիւն շնորհեց հրապարակելու Սուրբերու դատի ժողովի հայող հրամանագիրեր,  որոնց շարքին  երանելի Պօղոս Զ-ի սրբադասման հրամանագիրը:

Աւազանի անունով Ճովաննի Պաթթիսթա Մոնթինի՝  երանելի Պօղոս Զ Պապը,  մօտ ատենէն սուրբերու շարքին պիտի դասուի։ Ան ծնած էր Իտալիոյ Պրէշա քաղաքին մէջ, քահանայապետ ընտրուած է 21 յունիս 1963-ին,  վախճանած է 6 օգոստոս 1978-ին:

Նորին Սրբութիւնը արտօնեց հրապարակել նաեւ էլ Սալվատորի մարտիրոս, Երանելի Օսքար Ռոմերոյի սրբադասման  հրամանագիրը: Նոր Սուրբը  ծնած էր 15 օգոստոս 1917-ին էլ Սալվատոր քաղաքին մէջ ապա արքեպիսկոպոս նշանակուած իր ծննդավայրին թեմին: ԱՆ  ատելութեամբ սպաննուած է  իր դաւանած  քրիստոնէական հաւատքին համար՝ 24 մարտ 1980-ին   

Սուրբ  Պիտի հռչակուին նաեւ  Սբինելլի,  Ռոմանօ եւ Քասփեր երանելիները:  

Երանելի Սբինելլի ծնած է Միլանօ քաղաքին մէջ՝ 14 ապրիլ 1853ին, ապա վախճանած է 6 փետրուար 1913ին:

Թեմական քահանայ երանելի Վինչենցօ Ռոմանօ ծնած էր Թորրէ Տէլ Կրէքօ քաղաքին մէջ՝  3 յունիս 1751ին,  եւ միեւնոյն քաղաքին մէջ վախճանած  է 20 դեկտեմբեր 1831-ին:

Ի վերջոյ Սուրբ պիտի հռչակուի Երանելի Մարիա Քաթերինա Քասփեր:  Ան ծնած էր Գերմանիա՝ 26 մայիս 1820ին, ապա հոգին աւանդած է 3 փետրուար 1898ին:  Երանելին  եղած է հիմնադրուհին՝  «Յիսուս Քրիստոսի աղքատ կոյսեր» միաբանութեան։

Նորին Սրբութիւնը հուսկ արտօնութիւն շնորհեց հրապարակելու, Աստուծոյ աղախին ՝ Մարիա Ֆելիսիա Տի Ճեզուի երանացման եւ Աստուծոյ աղախին՝ աշխարհական Քոյր Աննա Քոլէսարովայի մարտիրոսութեան  հրամանագիրերը, ինչպէս նաեւ Աստուծոյ ծառայ Պերնարտօ Լուպիենսքիի,  Չեչիլիօ Մարիա Քորթինովիսիի, Աստուծոյ աղախիններ՝ Քոյն Ճուսթինա Սքիաբարոլիի, քոյր Մարիա Սքիաբբարոլիի,  Մարիա Անթոնելլա Պորտոնիի  եւ քոյր Ալէսանտրա Սապաթթիննի հայող հերոսական առաքինութիւններու հրամանագիրերը:








All the contents on this site are copyrighted ©.