(Ռատիօ Վատիկան) Հինգշաբթի 1 մարտ 2018-ին Ֆրանչիսկոս Սրբազան Քահանայապետը գերապայծառ Խօսէ Ավելինօ Պեթանքուրը նշանակեց Հայաստանի Հանրապետութեան մօտ առաքելական նոր դեսպան։
Գերապայծառ Պեթանքուրը մինչեւ օրս կը վարէր Վատիկանի Պետական Քարտուղարութեան «փրոթոքոլի» ղեկավարի պաշտօնը։
Ան ծնած է Փորթուկալի մէջ՝ 23 մայիս 1962-ին։ Քահանայ ձեռնադրուած է 29 յունիս 1993-ին մինչ 1 Յուլիս 1999 էն սկսեալ մաս կազմած է Սուրբ Աթոռի դիւանագիտական ծառայութեան, պաշտօնավարելով Քոնկոյի Առաքելական Նուիրակութեան մօտ, ապա Պետական Քարտուղարութեան Պետութիւններու հետ յարաբերութեան քարտուղարութեան ներքոյ։
Իրաւաբան՝ գերապայծառ Պեթանքուրը 14 նոյեմբեր 2012-ին կը նշանակուի Սուրբ Աթոռի Պետական Քարտուղարութեան «փրոթոքոլի» ղեկավար։ Ան հմուտ է 5 լեզուներու՝ Անգլերէն, Ֆրանսերէն, Իտալերէն, Փորթուկալներէն եւ Սպաներէն։ Տիտղոսաւոր արքեպիսկոպոսն է Չիթթանովա քաղաքին։
All the contents on this site are copyrighted ©. |