2018 Ապրիլ 10-ին, Վան քաղաքին մէջ պիտի բացուի թանգարան, ուր պիտի ներկայացուին Վանի թագաւորութեան (Ուրարտու) պատմութեան նուիրուած գտածոներ եւ բացառիկ նմուշներ:
Ըստ թրքական «Demokrathaber» լրատուական կայքի՝ Վանի նահանգապետ եւ համանուն քաղաքի քաղաքապետի պաշտօնակատար Մուրաթ Զորլուօղլուն յայտնած է, որ թանգարանի բացումը շատոնց նախատեսուած էր, սակայն որոշ խնդիրներու պատճառով կը յետաձգուէր:
Թանգարանի շինարարութիւնը, որ դեռ կը շարունակուի, ֆինանսաւորուած է Թուրքիոյ մշակոյթի նախարարութեան կողմէ (10մլն թրքական լիրա, որ համարժէք է 263 622.23 տոլարի):
Բացման արարողութեան պիտի հրաւիրուին Թուրքիոյ մշակոյթի եւ զբօսաշրջութեան նախարար Նուման Քուրթուլմուշը:
Թանգարանին համար երկար ժամանակ նմուշներ հաւաքագրուած են շրջակայ տարածքներէն: 2013-ի դրութեամբ՝ նմուշներուն թիւը կը հասնէր 87 հազարի:
Կ՝ակնկալուի, որ անիկա պիտի հանդիսանայ Թուրքիոյ ամենամեծ թանգարաններէն մէկը: Թանգարանը ունի 54.000 մ² տարածք, կը գրէ Ermenihaber.am-ը:
All the contents on this site are copyrighted ©. |