Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցական

15 Փետրուարին Քահանայապետը կը Հանդիպի Հռոմի Թեմի կղերական դասին հետ։

Հռոմի կղերական դասի անդամներ - OSS_ROM

13/02/2018 08:58

(Ռատիօ Վատիկան) Հռոմի Թեմի առաջնորդութեան հրապարակած  հաղորդագրութեան մէջ նշուած է թէ Հինգշաբթի 15 Փետրուար 2018-ին կը նորոգուի Քահանայապետի ու Հռոմի թեմի կղերական դասին միջեւ աւանդական հանդիպումը, որ տեղի պիտի ունենայ առաւօտեան 9.30-ին Լատերանի Սուրբ Յովհաննէս Պազիլիքային մէջ։

Այս մասին տեղեկացուցած է Հռոմի Թեմի Քահանայապետի ընդհանուր փոխանորդ Անճելօ Տէ Տոնաթիս Արքեպիսկոպոսը բոլոր քահանաներուն եւ սարկաւագներուն ուղղած իր մէկ նամակով որուն մէջ գրած է «վերջին տարիներու աւանդութեան համաձայն, այդ առթիւ պիտի ապրինք խոստովանանքի խորհուրդի ծիսական հասարակական պահը, որուն աւարտին Սրբազան Քահանայապետը մեզի պիտի ուղղէ իր պատգամը»։

 Տէ Տոնաթիս Արքեպիսկոպոսը հրաւիրած է ապա բոլոր հասարակութիւնները առիթներ գտնելու քննարկելու ու բանակցելու  համար «հոգեւոր հիւանդութիւններու» մասին որոնց շարքին ՝ բացառումի տնտեսութիւնը, եսասիրութիւնը, անձնասիրութիւնը, իրարու միջեւ պայքարը, յոռետեսութիւնը ու աշխարհիկութիւնը։

Այս առընչութեամբ Եպիսկոպոսական խորհուրդը հրապարակած է թղթածրար մը որուն բնաբանն է «Առողջները չեն որ կարիքը ունին բժիշկին, այլ հիւանդները» եւ որ վերոնշեալ նամակին հետ միասին ուղարկուած է Հռոմի կղերական դասին որպէս միջոց օգնելու համար տեղական հասարակութիւնները «խղճի քննութիւն մը կատարելու, շտկելու համար սխալները ու «բացերը երթալու» նորոգուած խանդավառութեամբ, կարող ըլլալով այսօրուայ մարդկութեան Աւետելու Զատկուայ Աւետարանը»։

13/02/2018 08:58