Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Ազգային

1915-ի ողբերգութիւնը կրնայ կրկնուիլ Աֆրինի մէջ. Կարօ Փայլան

Կարօ Փայլան - EPA

07/02/2018 09:31

Թուրքիոյ քրտամէտ Ժողովուրդներու Ժողովրդավարական Կուսակցութեան հայ պատգամաւոր Կարօ Փայլան հարցազրոյց մը ունեցած է ֆրանսական «Ֆրանս 24»-ի հետ, որուն ընթացքին պատմած է Աֆրինի բնակչութեան համար իր մտավախութիւններուն մասին:

«Քիւրտերը այժմ Թուրքիայէն նոյն պահանջները ունին, ինչ որ հայերը` 1915-ին: Այդ իսկ պատճառով ես`ըլլալով հայ, մտավախութիւն ունիմ, որ 100 տարի առաջ հայ ժողովուրդին հետ պատահածը կրկնուի»,- ըսած է Փայլան:

Ան նաեւ յայտնած է, որ այս իրավիճակի միակ ելքը հանրութեան մէջ Ցեղասպանութեան նիւթին բարձրացումն ու քրտական հարցին քննարկումը:

«Թուրքիոյ մէջ չկայ խօսքի ազատութիւն: Անոնք, որոնք ճշմարտութիւնը  կ’ըսեն կամ կը քննադատեն Էրտողանը, դաւաճան կը յայտարարեն»,- աւելցուցած է Փայլան:

07/02/2018 09:31