Իրանի իշխանութիւնները Յունուար 15-ը ազգային սուգի օր յայտարարած են՝ Չինաստանի ափերուն վթարի ենթարկուած եւ խորտակուած քարիւղ տեղափոխող նաւու անձնակազմի զոհերուն յիշատակին:
Այս մասին, ըստ Artsakhpress.am-ի, կը հաղորդէ Gazeta.ru-ն` յիշեցնելով, որ Յունուար 6-ին նաւը բախած էր չինական բեռնատար նաւուն, որուն իբրեւ հետեւանք բռնկած: Անիկա օրեր շարունակ այրած էր: Այսօր՝ առաւօտ կանուխ ստացուած տեղեկութեան համաձայն՝ նաւը ութ օր այրելէ յետոյ խորտակուած է:
Իրանական նաւուն 32 հոգիէ կազմուած ողջ անձնակազմը զոհուած է: Իրանցի պաշտօնեային խօսքով` անձնակազմը զոհուած է գրեթէ ակնթարթօրէն բախման հետեւանքով տեղի ունեցած պայթումին պատճառով:
Իրանի իշխանութիւնները յայտնած են, որ ցոյցերուն ընթացքին արձանագրուած է 25 զոհ
Իրանի դատական իշխանութիւնները յստակացուցած են վերջերս երկրին մէջ տեղի ունեցած ցոյցերու ընթացքին զոհուածներու եւ ձերբակալուածներու թիւը: «ՌԻԱ Նովոսթի» կը հաղորդէ, որ զոհերուն թիւը 25 է, իսկ ձերբակալուածներունը` 400:
Նախապէս կը հաղորդուէր, որ զոհերուն թիւը 20 է, իսկ ձերբակալուածներունը` 450:
Յիշեցնենք, որ Իրանի շարք մը մեծ քաղաքներուն, որոնց շարքին մայրաքաղաք Թեհրանի մէջ 28 դեկտեմբեր 2017-էն սկսեալ քանի մը օր շարունակ տեղի ունեցած էին ընկերային պահանջներով զանգուածային բողոքի ցոյցեր:
Իրանի նախագահ Հասան Ռուհանի յայտարարած է, որ ցոյցերուն պատճառը երկրին ներքին խնդիրներն էին, ինչպէս նաեւ այլ երկիրներու կողմէ հրահրումը:
All the contents on this site are copyrighted ©. |