Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Ազգային

«Ղարաբաղի հարցին մէջ պիտի շարունակենք աջակցիլ Մինսքի խմբակի աշխատանքին» ԵԱՀԿ-ի նոր նախագահը

ԵԱՀԿ-ի նոր նախագահը - EPA

12/01/2018 08:49

ԵԱՀԿ-ը պիտի շարունակէ աջակցիլ ղարաբաղեան հիմնահարցի լուծման համար Մինսքի խմբակի համանախագահներու աշխատանքին: Այս մասին Վիեննայի մէջ ԵԱՀԿ-ի մնայուն խորհուրդին մէջ յայտարարած է ԵԱՀԿ-ի նոր գործող նախագահ, Իտալիոյ արտաքին գործոց նախարար Անճելինօ Ալֆանօ` ներկայացնելով 2018-ին ԵԱՀԿ-ի նախագահութեան ծիրին մէջ իր երկրին առաջնահերթութիւնները:

«Ինչ կը վերաբերի Լեռնային Ղարաբաղին, մենք պիտի շարունակենք աջակցիլ ԵԱՀԿ-ի Մինսքի խմբակի համանախագահներու աշխատանքին` տագնապի լուծման ծիրին մէջ», ըսած է ԵԱՀԿ-ի նախագահը:

Ալֆանօ նշած է, որ ԵԱՀԿ-ի չլուծուած տագնապներուն վերաբերեալ դիրքորոշումը պիտի մնայ անփոփոխ, եւ այդ հարցերը պիտի մնան կազմակերպութեան ուշադրութեան կեդրոնը:

«Ձգձգուած» տագնապներու լուծումը պիտի շարունակէ մնալ կազմակերպութեան ուշադրութեան կեդրոնը», ըսած է ան:

Նշենք, որ այս տարուան 1 յունուարէն ԵԱՀԿ-ին կը նախագահէ Իտալիան:

 

12/01/2018 08:49