2017-12-22 10:25:00

Ֆրանչիսկոս Պապին 22 դեկտեմբերին գործունէութիւնը ՝ Յիսնակացի խորհրդածութեան նիստ։


(Ռատիօ Վատիկան) Ուրբաթ, 22 դեկտեմբերին,  առաւօտուն ժամը 9,00-ին, Վատիկանի «Ռէտտէմթորիս Մաթէր» անուան մատրան մէջ Ֆրանչիսկոս Պապ ներկայ  գտնուեցաւ քահանայապետական  տան Քարոզիչ,  Հայր  Ռանիերօ Քանթալամեսսային Յիսնակաց շրջանին ներկայացուցած  երկրորդ խորհրդածութեան,  որուն կեդրոնական նիւթը հանդիսացաւ Քրիստոսի ներկայութիւնը ամէն ժամանակներուն մէջ՝ երէկ, այսօր եւ ցմիշտ:

Մտածականի վերոյիշեալ նիստէ ն ետք Սրբազան Հայրը  Վատիկանի Առաքելական պալատի մէջ յաջորդաբար  ընդունեց՝  հաւատարմագիրերու ներկայացումի առիթով,  Սուրբ Աթոռի մօտ Եգիպտոսի Արաբական հանրապետութեան  նորանշանակ դեսպան  վսեմաշուք տիար Մահմուտ Ահմետ Սամիր Սամին, ապա Ժամը 10,00-ին, Օտերծօ թեմի տիտղոսաւոր Արքեպիսկոպոս եւ Վատկիկանի դիւանագէտ՝ Գերապայծառ Ալպերթօ Պոթթարին ,  հուսկ Սան Էճիտիոյ հասարակութեան նախագահ՝ Պր, Անտրէա Ռիքքարտին։  

Ժամը 11,30-ին,   Ֆրանչիսկոս Սրբազան Քահանայապետը ընդունեց  հաւատարմագիրերու ներկայացումի առիթով Սուրբ Աթոռի մօտ Միացեալ Նահանգներու  նորանշանակ դեսպանուհի Տիկին Քալլիսթա Ճինկրիչը: 








All the contents on this site are copyrighted ©.