Կազմակերպութեամբ Սուրիոյ Հայութեան օժանդակութեան միացեալ մարմինին՝ ՍԱՐՖ-ին, եւ հովանաւորութեամբ Հայց. Առաքելական, Կաթողիկէ եւ Աւետարանական համայնքներու հոգեւոր առաջնորդներուն, Դեկտեմբեր 15-ին, երեկոյեան ժամը 7-ին, Կլենտէյլի Իրանահայ միութեան կեդրոնին մէջ տեղի պիտի ունենայ ժողովրդային յատուկ հաւաք՝ քննարկելու համար Սուրիոյ մայր գաղութի վերականգնումի եւ վերակառուցման ծրագիրները:
Հաւաքին ներկայ պիտի ըլլայ Բերիոյ Հայոց թեմի առաջնորդ Շահան արք. Սարգիսեան, որ նաեւ նախագահն է Սուրիահայութեան Շտապ Օգնութեան եւ Վերականգնումի մարմինին:
Հանդիպումը, հիմնականին մէջ, առիթ պիտի ըլլայ հիւր առաջնորդ սրբազանէն լսելու Սուրիոյ ու մասնաւորաբար Հալէպի մեր հարազատներուն կացութեան ու գաղութի վերականգնումի ծրագիրներուն մասին:
Մուտքը ազատ է եւ տեղի պիտի ունենայ հիւրասիրութիւն։
Իրանահայ միութեան կեդրոնի հասցէն է՝ 117 S. Louise St., Glendale, CA 91205։
«Լաւ Երկիրներ»ու Ցանկին Վրայ Հայաստան 75րդն է
All the contents on this site are copyrighted ©. |