ՀՀ սփիւռքի նախարար Հրանոյշ Յակոբեան ամէն տարի կը հանդիպի Եւրոտեսիլ երգի մրցոյթի Հայաստանի մասնակիցներուն: Նախարարը այսօր` նոյեմբեր 16-ին, ընդունեց «Մանկական Եւրոտեսիլ-2017» երգի միջազգային մրցոյթին այս տարի Հայաստանը ներկայացնող 9-ամեայ Միշան (Միքայէլ Գրիգորեան):
«Մեզ համար պատիւ է, որ Միշան մեկնելու է եւրատեսիլ եւ ներկայացնելու է իր հայրենիքը: Փառքուպատիւ նրա ծնողներին, որ նման տաղանդաւոր փոքրիկ են լոյս աշխարհ բերել: Ես առիթ եմ ունեցել լսել նրա կատարումները, երբ նա դեռ չորս տարեկան էր: Նա իր էութեամբ էներկիա է ու սէր եւ ունի արուեստը հասկանալու կարողութիւն»,-նշեց նախարարը:
Հրանոյշ Յակոբեան Միշային մաղթեց յաղթանակ, նաեւ յայտնեց, որ ողջ հայութիւնը կ’աջակցիանոր ու կը սպասէ յաղթանակին:
Այն հարցին, թէ ինչ կը մաղթէ Միշան աշխարհին` փոքրիկ երգիչը պատասխանեց, որ իրեն համար ամենակարեւորը աշխարհի խաղաղութիւնն է, որ որեւէ երկրի մէջ պատերազմ չըլլայ:
Մէկ անգամ եւս յաջողութիւն մաղթելով «Մանկական եւրոտեսիլ 2017»-ի մասնակիցին` նախարար Հրանոյշ Յակոբեան անոր նուիրեց ջութակ եւ «Աշխարհի հայ երաժիշտները» գիրքը:
Հանդիպման աւարտին Միշան կատարեց «Ղարաբաղի հորովել» եւ «Բումերանգ» երգերը:
Նշենք, որ «Մանկական Եւրոտեսիլ 2017»-ը կ’իրականացուի 15-րդ անգամ` “Shine Bright” («Շողայ պայծառ») նշանաբանի ներքոյ: Բացի Հայաստանէն կը մասնակցին եւս 15 երկիրներու ներկայացուցիչներ` Ալպանիա, Աւստրալիա, Պելառուս, Կիպրոս, Իրլանտա, Իտալիա, Մաքետոնիա, Մալթա, Հոլանտա, Ուքրանիա, Ռուսիա, Լեհաստան, Սերպիա, Փորթուկալ եւ մրցոյթը հիւրընկալող երկիրը` Վրաստան:
Հայաստան Մանկական Եւրոտեսիլ» երգի միջազգային մրցոյթին կը մասնակցի 2007 թուականէն: 2010 թուականին Վլադիմիր Արզումանեանի գրանցած յաղթանակը հնարաւորութիւն ընձեռեց մրցոյթը 2011 թուականին հիւրընկալել Հայաստանի մէջ:
Եւրոտեսիլի հայաստանեան պատուիրակութիւնը կը մեկնի Թիֆլիս նոյեմբեր 19-ին: Միշան կը կատարէ «Բումերանգ» երգը, որուն երաժշտութեան հեղինակը Վահրամ Պետրոսեանն է, խօսքերու հեղինակներն են` Աւետ Բարսեղեան, Դաւիթ Ծերունեան, Արթուր Աղեկեան:
All the contents on this site are copyrighted ©. |