Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ֆրանչիսկոս Պապին ցաւակցագիրը ի լուր Տանֆնէ Կալիցիա լրագրողուհիի սպանութեան։

Լրագրողուհի Տաֆնէ Քալուանա Կալիցիա - AP

20/10/2017 13:56

(Ռատիօ Վատիկան)  Անցեալ օրերուն Մալթայի մէջ տեղի ունեցած  Տաֆնէ Կարուանա Կալիցիայ լրագրողուհիին  սպանութեան ի լուր,  ուրբաթ, 20 հոկտեմբերին, Վատիկանի Պետական Քարտուղար ՝ Կարդինալ Փիեթրօ Փարոլին, յանուն Ֆրանչիսկոս Սրբազան Քահանայապետին ցաւակցագիր  յղեց Մալթայի Թեմի արքեպիսկոպոս՝ Գերապայծառ Շարլ Շիքլունայի որուն մէջ ծիրանաւորը գրած է.  «Ֆրանչիսկոս  Պապ,  Տաֆնէ Կալիցիայ լրագրողուհիին  դաժան սպանութեան  ի լուր, աղօթք կը բարձրացնէ առ Աստուած հանգուցեալին  հոգւոյն յաւիտենական հանգստեան համար  ապա  կը խնդրէ իր ցաւակցութիւնները փոխանցել  հանգուցեալին հարազատներուն։ 

Ցաւակցական հեռագիրին մէջ կարդինալ Փարոլին ապա նշած է թէ Ֆրանչիսկիոս Պապ իր հոգեւոր մօտիկութիւնը կը յայտնէ  Մալթայի բնակչութեան  եւ այս դժուար պահերու ընթացքին Աստուծոյ օրհնութիւնը կը հայցէ Մալթայի ժողովուրդին վրայ ։

20/10/2017 13:56