Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցական

Ռայի պատրիարք. «Լիբանան այլեւս չի կրնար հանդուրժել տեղահանուածներու թղթածրարին հետեւանքները»

«Լիբանան այլեւս չի կրնար հանդուրժել տեղահանուածներու թղթածրարին հետեւանքները» - ANSA

07/10/2017 09:51

Մարոնի համայնքի Պշարա Ռայի պատրիարքը երէկ հովուապետական այցելութեամբ մը մեկնեցաւ Հռոմ եւ Միացեալ Նահանգներ:

Պէյրութի միջազգային օդակայանէն կատարած իր յայտարարութիւններուն մէջ Ռայի պատրիարքը շեշտեց, որ Լիբանան այլեւս չի կրնար հանդուրժել տեղահանուածներու թղթածրարին հետեւանքները, որովհետեւ ան արդէն իսկ տնտեսական եւ ապրուստի տագնապ կը դիմագրաւէ, ինչպէս նաեւ արտագաղթի հոսքը հետզհետէ աւելի կը շեշտուի:

Ռայի պատրիարքը ընդգծեց, որ սուրիացի տեղահանուածները քաղաքական եւ յարանուանական շահագործումի ենթարկելու իմաստով հսկայական վտանգ գոյութիւն ունի: «Տեղահանուածները կրնան շահագործուիլ նաեւ ահաբեկչական կազմակերպութիւններու կողմէ», հաստատեց Ռայի պատրիարքը:

Ան ընդգծեց տեղահանուածներու տունդարձին գծով խնդրոյ առարկայ անձնաւորութիւններուն հետ գործակցելու կարեւորութիւնը` աւելցնելով, որ պէտք է գիտնալ, թէ քաղաքական եւ ռազմավարական հարցերու միջեւ տարբերութիւններ կան, եւ թէ որոշ հարցեր Լիբանանի դէմ հսկայ վտանգներ կը նկատուին:

07/10/2017 09:51