Լեւոն Արոնեան դարձաւ աշխարհի բաժակակիր

Հայկական ճատրակի առաջատար Լեւոն Արոնեան դարձաւ աշխարհի բաժակակիր: «Արմենփրես»-ի հաղորդմամբ` Թիֆլիսի մէջ ընթացող ճատրակի աշխարհի բաժակի խաղարկութիւնը վերջ գտաւ:

Եզրափակիչ խաղին Արոնեան կը մրցէր չինացի Տին Լիրենի հետ: Դասական 4 մրցումներէն ետք շախմատիստները ունէին 2-ական միաւոր եւ որոշիչ եղաւ թայ-պրեյքը:

Արագ ճատրակի առաջին խաղին Արոնեան սպիտակներով գերազանցեց մրցակիցին: Երկրորդ խաղին Արոնեանը եւս յաղթեց: Հաւաքելով 4 միաւոր` Արոնեանը 12 տարի անց կրկին դարձաւ աշխարհի բաժակակիր:

Ան աշխարհի մէջ առաջինն  է, որ կը յաղթէ աշխարհի բաժակը երկրորդ անգամ:

Մրցաշարին կը մասնակցէին 128 շախմատիստ: Արոնեան իրաւունք ստացաւ մասնակցելու 2018 թուականի Մարտ 10-28 Պեռլինի մէջ կայանալիք յաւակնորդներու մրցաշարին:

 Լեւոն Արոնեան աշխարհի բաժակակիր դարձած էր 2005 թուականին: Հայ կրանտմասթըրը ճատրակի ողիմպիական եռակի, ճատրակի աշխարհի խմբային ախոյեանութեան յաղթող է: