Բրիտանական «Սքայ Նիուզ» պատկերասփիւռի կայանը հաղորդեց, որ ամերիկեան 15 նահանգներ, ներառեալ Ուաշինկթընը դատական հայց յարուցած են Միացեալ Նահանգներու նախագահ Տանըլտ Թրամփի դէմ երիտասարդ գաղթականներու պաշտպանութեան օրէնքը ջնջելուն համար:
Թրամփ երեքշաբթի օր ջնջեց նախկին նախագահ Պարաք Օպամայի օրով հաստատուած օրէնքը, որ կ’արգիլէ ապօրինի գաղթականներու արտաքսումը, եթէ անոնք մանուկներ ունին:
Թրամփ իր որոշումին գործադրութիւնը յետաձգեց մինչեւ մարտ` նշեալ որոշումէն ազդուելիք 800 հազար անձերու ճակատագիրը ճշդելու համար Քոնկրեսին վեց ամսուան ժամանակ տալու նպատակով:
All the contents on this site are copyrighted ©. |