Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Մայր Թերեզայի մահուան 20-րդ ամեակ. Ֆրանչիսկոս Պապին թուիթը։

Սրբուհի Մայր Թերեզան - RV

05/09/2017 12:00

(Ռատիօ Վատիկան) ''Մայր Թերեզայի նման բանանք ուրախութեան եւ յոյսի հորիզոններ ի նպաստ այդքան յուսալքուած մարդկութեան որ կարիքը ունի հասկացողութեան եւ քնքշութեան''։ Այս եղաւ Ֆրանչիսկոս Սրբազան Քահանայապետին երեքշաբթի 5 օգոստոսին հրապարակած թուիթը Քալքութայի Մայր Թերեզայի մահուան 20-րդ տարեդարձին առիթով։ Նորին Սրբութիւնը այս նախադասութիւնը արտասանած էր 4 սեպտեմբեր 2016-ին` Սուրբ Պետրոսի հրապարակին վրայ նախագահած  Մայր Թերեզայի սրբադասման արարողութեան ընթացքին։

Քալքութայի Մայր Թերեզան` աւազանի անունով Ակնես Կոնկա Պոյաճիու, ծնած է 26 օգոստոս 1910-ին Սքոփիէի մէջ։ Ան եղած է կաթողիկէ միանձնուհի եւ Գթութեան Քոյրերու միաբանութեան հիմնադիրը։ 1979-ին արժանացած է նաեւ խաղաղութեան Նոպելեան Մրցանակին։ Մայր Թերեզա իր ամբողջ կեանքը նուիրեց  ամնա-յետիններու ծառայութեան ու հոգին աւանդեց 5 սեպտեմբեր 1997-ին։

Որոշ տուեալներով ան ունի Հայկական ծագում, որուն մասին յայտնած է Վազգէն Առաջինը Մայր Թերեզայի հետ հանդիպումէ մը ետք. «1988 թուականի Սպիտակի երկրաշարժէն ետք, երբ Մայր Թերեզան ժամանած էր Հայաստան, հանդիպեցաւ նաեւ Վազգէն Առաջինի հետ: Հանդիպման ընթացքին Մայր Թերեզան կաթողիկոսին պատմած է իր հայկական ծագման մասին: Անոր իսկական անուն ազգանունը Ակնեսսա Պոյաճեան է, հայրը Արեւմտեան Հայաստանէն է գաղթած է Ալպանիա, մայրն էլ ալպանուհի քրիստոնեայ է։

05/09/2017 12:00