(Ռատիօ Վատիկան) Ուրբաթ սեպտեմբեր մէկին հրապարակուեցաւ Ֆրանչիսկոս Սրբազան Քահանայապետին Սեպտեմբեր ամսուայ աղօթքի դիտաւորութեան լսատեսողական պատգամը որուն մէջ Նորին Սրբութիւնը կը հաստատէ.
''Ժողովրդապետութիւնները պէտք է մնան կապի մէջ ընտանիքներու հետ, մարդոց կեանքին ու ժողովուրդի կեանքին հետ։ Անոնք պէտք է ըլլան օճախներ ուր դուռը միշտ բաց ըլլայ` ուրիշներու հետ հանդիպելու համար։ Եւ կարեւոր է որ ուրիշներու հետ հանդիպումը հետեւի հաւատքի յստակ մէկ առաջարկին։ Այս կը նշանակէ բանալ դռները եւ թոյլ տալ որ Յիսուս դուրս գայ` իր պատգամի ամբողջական ուրախութեամբ'' ըսաւ Սրբազան Քահանայապետը որ պատգամին աւարտին հրաւէր ուղղեց աղօթելու ըսելով. ''Աղօթենք մեր ժողովրդապետութիւններու համար որպէսզի չ՛ըլլան պարզ գործնական գրասենեակներ, այլ ըլլան` միսիոներական հոգիով ոգեւորուած, հաւատքի փոխանցումի ու սիրոյ վկայութեան միջավայրեր''։
All the contents on this site are copyrighted ©. |