Երանելի Ռոմերոյի ծննդեան դարադարձին առիթով ուխտագնացութիւն դէպի երանելիին ծննդավայր։

«Ռատիօ Վատիկան» Սան Սալվատորի կաթողիկէ եկեղեցին կազմակերպած է ուխտագնացութիւն մը նշելու  համար  Երանելի Օսքար Արնուլֆօ Ռոմերոյին ծննդեան հարիւր ամեակը ։

Երանելին ծնած էր 15 օգոստոս 1917-ին եւ նահատակուած է 24 մարտ 1980-ին՝ մինչ եկեղեցւոյ մէջ կը մատուցէր սուրբ պատարագը։  2015-ի Մայիս 23ին Ֆրանչիսկոս Պապ զայն դասեց երանելիներու շարքին։

Վերոնշեալ ուխտագնացութեան խորագիրն է  «Ուղեւորութեան մէջ դէպի մարգարէին ծննդավայր» եւ  սկիզբ կ՝առնէ՝ 12 օգոստոսի՝ յետմիջօրէին,  Սան Սալվատորի  մայր տաճարին մէջ,  Սուրբ Պատարագի զոհի արարողութեամբ, ապա վերջ կը  գտնէ Երանելիին ծննդավայր  ՝« Չուտավ Պարիոսք» քաղաքին մէջ։։

157 քմ երկարող ուխտագնացութեան ուղիին վրայ, հաւատացեալները հետիոտն պիտի ընթանան 98 քմ, մինչ 59 քմ  պիտի կատարեն փոխադրակառքով եւ իւրաքանչիւր հանգրուանին զետեղելով փոքրիկ խաչ մը։  Ուխտաւորներուն երթին առաջնահերթ կարգին պիտի դասուին երանելիին  եւ   Խաղաղութեան Սուրբ Կոյս Մարիամի պատկերները։  

Սան Սալվատորի թեմի տեղակալ եպիսկոպոս՝Կարդինալ Կրեկորի Ռոզա Շաւեզի տուեալներուն համաձայն  ուխտագնացութեան պիտի մասնակցին   աւելի քան 1500 հաւատացեալներ,   եւ ըստ անոր, հաւատացեալներուն  խանդավառութիւնը  կը գերազանցէ ամէն սպասում։