Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցին հայկական

Վանի Հայկական եկեղեցիներէն մէկուն պատկանող հնագոյն զանգը պիտի վերադարձուի Աղթամարի Սուրբ Խաչ Եկեղեցիին

զանգակի լուսանկար

11/08/2017 10:52

Վանի հայկական եկեղեցիներէն մէկուն պատկանող հնագոյն զանգը, որ անյայտ պատճառներով յայտնուած է Իրանի հիւսիս-արեւմուտքը, պիտի վերադարձուի Աղթամարի Սուրբ Խաչ եկեղեցիին: Այս մասին, ըստ Artsakhpress.am-ի, կը յայտնեն թրքական լրատուամիջոցները:

Amedtoday.org կայքին փոխանցած տեղեկութիւններով` 629 տարուան պատմութիւն ունեցող զանգը ներկայիս ցուցադրուած է Իրանի Ուրմիա քաղաքի պատմութեան թանգարանին մէջ:

Իրանը պատրաստ է մօտ 7-դարեայ պատմութիւն ունեցող զանգը վերադարձնելու Աղթամարի Սուրբ Խաչ եկեղեցիին:

Օգոստոս 9-ին իրանի մշակութային ժառանգութեան, ձեռարուեստի եւ զբօսաշրջութեան կազմակերպութեան նախագահի տեղակալ Միրհատի Գարեսէյյէտ-Ռոմիանին նշած է. «Մենք Իրանի մէջ գտնուող բոլոր պատմական յուշարձանները եւ աշխատանքները անոնց ծագման երկիրներուն յանձնելու քաղաքականութիւն սկսած ենք»:

Իրանցի պաշտօնեան յոյս յայտնած է, որ այս գործընթացը աշխարհին եւ ողջ մարդկութեան ցոյց պիտի տայ, որ Իրանը իսկապէս բարիդրացիական երկիր է:

 Amedtoday.org կայքը նաեւ կը նշէ, որ զանգը 1377 թուականի Յուլիս 7-ին տրուած է Վանի Սբ. Մարիամ եկեղեցիին, պատերազմներու ժամանակ անյայտ պատճառներով հասած է Իրան եւ մինչ օրս կը գտնուի Ուրմիոյ պատմութեան թանգարանին մէջ:

11/08/2017 10:52