Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Վատիկան \ Միջոցառումներ

Պօղոս Զ Քահանայապետի մահուան տարեդարձին առթիւ Ֆրանչիսկոս Պապ աղօթեց Անոր դամբանին առջեւ։

Ֆրանչիսկոս Պապ Պօղոս Զ-ի դամբանին առջեւ

07/08/2017 12:00

(Ռատիօ Վատիկան) Կիրակի 6 օգոստոս 2017-ին   նշուեցաւ երջանկայիշատակ երանելի Պօղոս Զ քահանայապետին մահուան 39-րդ ամեակը։ Ան իր մահկանացուն կնքած է 6 օգոստոս 1978-ին Քասթելկանտոլֆոյի ամարանոցին մէջ։

Մահուան տարեդարձին առթիւ Ֆրանչիսկոս Սրբազան Քահանայապետը, 6 օգոստոսի առաւօտեան 9,30-էն մինչեւ 10,  այցելեց Սուրբ Պետրոսի Պազիլիքայի մէջ զետեղուած Երանելի Պօղոս Զ քահանայապետի դամբանը այնտեղ պահ մը աղօթքի մէջ ամփոփուելով։

Պօղոս Զ-ը Սուրբ Պետրոսի յաջորդ ընտրուած էր 21 յունիս 1963-ին յաջորդելով երջանկայիշատակ սուրբ Յովհաննէս ԻԳ Քահանայապետին ու աւարտին հասցնելով այս վերջինիս կողմէն ծրագրուած Վատիկանեան Տիեզերական Բ Ժողովի գործընթացը։

Անոր քահանայապետութիւնը տեւեց 15 տարի։ 

Պօղոս Զ` Ճովաննի Պադդիսդա Մոնթինի, ծնած էր Պրէշա` 26 սեպտեմբեր 1897-ին։ Ան ճանչցուած է որպէս մեծ բարեկարգիչ ու եկեղեցական կեանքն ու կառոյցը բարենորոգող Քահանայապետ։  Աշխարհի մեծ յեղաշրջումի ժամանակամիջոցին,  Պօղոս Զ Պապը Տիեզերական եկեղեցին ղեկավարած է մեծ  ուշիմութեամբ։

Պենետիկտոս ԺԶ վաստակաւոր Քահանայապետի օրով է որ Պօղոս Զ կը դառնայ Աստուծոյ Ծառայ մինչ Ֆրանչիսկոս Պապ` 19 հոկտեմբեր 2014-ին զայն կը դասէ երանելիներու շարքին։

07/08/2017 12:00