Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցին հայկական

Տեղի Ունեցաւ «Արի Տուն» ծրագիրի 5-րդ փուլի բացման հանդիսաւոր արարողութիւնը

Տեղի Ունեցաւ «Արի Տուն» ծրագիրի 5-րդ փուլի բացման հանդիսաւոր արարողութիւնը

17/07/2017 14:21

Յուլիս 17-ին ՀՀ սփիւռքի նախարարութեան մէջ տեղի ունեցաւ երիտասարդներու հայրենաճանաչութեան «Արի տուն» ծրագիրի 5-րդ փուլի բացման հանդիսաւոր արարողութիւնը:

Ողջոյնի խօսքով հանդէս եկաւ ՀՀ սփիւռքի նախարար Հրանոյշ Յակոբեան: Դիմելով արիտունցիներուն` նախարարը մասնաւորապէս նշեց. «Սիրելի՛ արիտունցիներ, այսօր կատարուել է ձեր երազանքը, եւ դուք եկել էք Հայրենիք, որը պէտք է սիրէք, վայելէք, նրանից ուժ առնէք ու վերադառնաք Հայաստան ընդմիշտ մնալու պայմանով: Բարո՛վ էք եկել»:

Նախարարն ընդգծեց, որ «Արի տուն»  ծրագիրի 5-րդ փուլն այս տարի ամենամեծն է` հիւրընկալելով 190 սփիւռքահայ երիտասարդ աշխարհի 17 երկիրներէ` Արժանթինէն մինչեւ Քուէյթ: «Իմ երիտասա՛րդ բարեկամներ, դուք ժամանել էք Հայաստան, որպէսզի վայելէք 14 անմոռաց, հիասքանչ օրեր ձեր Հայրենիքում: Ձեր պայծառ, ուրախ, ժպտուն աչքերը դեռ երկար են հիանալու, զարմանալու, զմայլուելու հայրենի երկրով: Ամէն օր դուք կը լսէք հայկական խօսք, բառ ու բան, մոմ կը վառէք Էջմիածնում, կը խոնարհուէք Ցեղասպանութեան անմեղ զոհերի յուշահամալիրի անմար կրակի առջեւ, կը լինէք Սեւանում, Գառնիում, Նորավանքում, զօրամաս կ’այցելէք: Հայաստանի լաւագոյն վայրերը կը լինեն ձեր առջեւ: Անմոռանալի օրեր կ’անցկացնէք «Արի տան» ճամբարում, որտեղ կը դառնաք մէկ ընտանիք, միասին կը ստեղծէք հայկական մի գեղեցիկ ցանց, որը կոչւում է «Արի տուն»»:

Նախարար Հրանոյշ Յակոբեան յորդորեց արիտունցիներուն իւրաքանչիւր առաւօտ սկսիլ հայերէն սորվելով, իրար հետ  հայերէն խօսելով: «Ձեր լեզուն հայերէնն է: Անգլիացի ամենահանճարեղ գրողներից մէկը` Ճորճ Պայրոնն ասել է` Աստծոյ հետ խօսելու միակ լեզուն հայերէնն է: Ուրեմն` չմոռանա՛ք հայերէնը, խօսէ՛ք ոսկեղենիկ մայրենիով»,-ըսաւ Հրանոյշ Յակոբեան:

Ելոյթ ունեցաւ նաեւ Սպանիոյ «Արարատ» միութեան նախագահ Արարատ Ղուկասեան: Ողջունելով արիտունցիները` ան նշեց. «Դուք կը գտնուիք ձեր տան մէջ: Սա Հայրենիքը բացայայտելու, ճանչնալու հիանալի հնարաւորութիւն է: Դուք այստեղ կը ծանօթանաք իրարու հետ, կը շփուիք ու կը բարեկամանաք: Թող սա ըլլայ ձեր կեանքի ամենաանմոռանալի ամառը»:

Այնուհետեւ իրենց ողջոյնի եւ շնորհակալական խօսքն ըսին «Արի տուն» ծրագիրի 5-րդ փուլի մասնակիցները: Վրաստանէն ժամանած, Թիֆլիսի «Հայարտուն» կրթամշակութային կեդրոնի սան Ռուբէն Պետրոսեան մասնաւորապէս նշեց. «Մեր Հայրենիքը փոքր է, բայց հզօր: Մենք պէտք է յաճախ գանք այստեղ, ճանչնանք ու սիրենք մեր երկիրը: Շնորհակալութիւն Սփիւռքի նախարարութեան` մե՛ր նախարարութեան, մեզի այսքան գրկաբաց ընդունելու համար»:

Ծրագիրի 5-րդ փուլին կը մասնակցի սփիւռքահայ երիտասարդներ 17 երկրէ` Ռուսաստանի Դաշնութենէն, Ուքրանիայէն, Պելառուսէն, Թուրքմէնստանէն, Վրաստանէն, Թուրքիայէն, Լիբանանէն, Քու՝յթէն, Սուրիայէն, ԱՄՆ-էն, Արժանթինէն, Ֆրանսայէն, Սպանիայէն, Պելճիգայէն, Իտալիայէն, Լեհաստանէն եւ Աւստրիայէն:

Ձեռնարկին աւարտին արիտունցիները ասմունքեցին եւ հանդէս եկան երաժշտական կատարումներով:

 

17/07/2017 14:21