Քահանայապետական անուանումներ

«Ռատիօ Վատիկան» Շաբաթ, 15 յուլիս 2017-ին, ֆրանչիսկոս Սրբազան Քահանայապետ կատարեց երեք նոր անուանումներ։ Նորին Սրբութիւնը Վատիկան քաղաքի պետութեան միակ դատախազ նշանակեց, Վատիկանի ատեանի դատաւոր՝ փաստաբան Տիար Փաուլօ Փափան Փելլեթիեն։

Հաւատոյ ժողովի անդամ անուանեց Կաթողիկէ դաստիարակութեան ժողովի կառավարիչը՝ Կարդինալ Ճուզեփփէ Վերսալտին ։

Հուսկ՝ Սրբազան Հայրը իրեն յատուկ ներկայացուցիչ անուանեց Կարդինալ Էրնեսթ Սիմոնին, մասնակցելու համար յառաջիկայ  9 սեպտեմբերին, ՝ Փրիսթինա քաղաքին մէջ կայանալիք, Սրբուհի Մայր Թերեզայի նուիրուած  նոր եկեղեցւոյ օծման արարողութեան։