Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Վատիկան \ Միջոցառումներ

Ոչ եւս է Սուրբ Սուրբ Աթոռի մամլոյ գրասենեակի երբեմնի տնօրէն Նավառօ Վալսը

Սուրբ ՅՊԺ Եւ Նավառօ Վալս - ANSA

06/07/2017 11:03

(Ռատիօ Վատիկան) Չորեքշաբթի, 5 յուլիս 2017-ին, ուշ երեկոյեան, 80 տարեկանին  իր մահկանացուն կնքեց Սուրբ Աթոռի մամլոյ գրասենեակի նախկին ընդհանուր տնօրէն եւ Սուրբ Յովհաննէս Պօղոս Բ երջանկայիշատակ Սրբազան Քահանայապետին 20 տարի անխոնջ որպէս բանբեր ծառայող Տիար Նավառօ Վալսը։

Ան 1984 թուականին, Սուրբ  ՅՊԲ Պապին կողմէ կանչուեցաւ ղեկավարելու Սուրբ Աթոռի մամլոյ գրասենեակի ընդհանուր տնօրէնութեան պաշտօնը, որուն հաւատարմութեամբ ծառայեց  եւ իր անջնջելի հետքը ձգեց Սուրբ Աթոռի հաղորդամիջոցներու  համակարգէն ներս։

 Նաւառօ Վալս եղած է նաեւ բանբերը Պենետիկտոս ԺԶ վաստակաւոր Պապին ՝ քահանայապետութեան  առաջին տարեշրջանին։  

Նաւառօ Վալսի մահուան առնչութեամբ, Սուրբ Աթոռի մամլոյ գրասենեակի ընդհանուր տնօրէն Կրէք Պուրքը երեկ հրապարակեց թուիթ մը, որուն մէջ  երկու բառերով ներկայացուց Նաւառօ Վալսի  Քրիստոնէական վկայութեան հաշուէկշիռը գրելով ՝՝ Շնորհքը ճնշումին տակ՝՝։

՝՝ Ինչպէս կարելի է ոչ ըսել Պապին ՝՝այս եղաւ Նաւառօ Վալսին  20 տարիներու ընթացքին ստէպ կրկնած խօսքը, ոչ չէր գիտեր ոչ մի խնդրանք մերժել Յովհաննէս Պօղոս Սուրբ Պապին։   

Նշենք որ Նաւառօ Վալս եղած է  Սուրբ Աթոռի մամլոյ գրասենեակի առաջին աշխարհական ընդհանուր տնօրէնը, Սուրբ Յովհաննէս Պօղոս Բ պապի կամքով։

06/07/2017 11:03