Մարիամ մեր երջանկութիւնը Աստուծոյ կը ներկայցնէ

Սիրելիներ ամէն օր յարգելու եւ սիրելու ենք մեր երկնային Մայր, ինչպէս թէ՝ երէկ Յիսուս յարգեց եւ սիրեց իր Մայրը աստենականին մէջ, թէ ՝ այսօր կը սիրէ ու կը յարգէ անդենականին մէջ:

Այո' , Քրիստոսի սէրէն տարուած' կը սիրենք մեր հասարակաց Մայրը: Այո', Յիսուսի յարգանքէն  քաջալերուած ՝ մենք կը յարգենք մեր անզուգական Մայրը:

Ա'յս Մայրը Ֆաթիմայի Տըսլամայրն է ,« Գեղեցիկ Տիկինը » եւ « Թագուհին Ս. Վարդարանին», որուն 1917-ի երեւումներուն առաջին օրը կ' ուզենք յիշատակել մայիսեան այս նուիրական սիրապահուն ընթացքին:

Այս իրողութեան ի հեճուկս՝ դեռ իմ ականջիս կը հասնին խորթ ու սխալ ձաձններ , որոնց պատասխանել չ'արժեր թէպէտ, սակայն եւ այնպէս տամ անուղղակի պատասխանը:

Ֆաթիմա , որուն բիւրբիւրաւորներ այցի կու գան ամէն տարի , արդէն շատոնց դարձած է վախճանախօսական խորքը եւ կատարածային ուղղուածութիւնն ունեցող Ֆենոմէն-երեւոյթը:

     Այո եկէք իր հանգամանքներուն շնորհիւ ՝ Ֆաթիմա ինքնին մարդասիրութիւնն է Փրկչին , որ աշխարհ ղրկեց իր Գեղամայրը մարդը սթափեցնելու , ողղելու եւ երջանկացնելու համար:

     Այո՝, Ֆաթիմա մարդասիրութիւնն է գթասիրտ եւ ներողամիտ Յիսուսի,

     որովհետեւ Ֆաթիմա վախի ու սարսափի կոչը չէ,

     որովհետեւ Ֆաթիմա հաւատքի հրաւէրն է,

     որովհետեւ Ֆաթիմա հատուցումի խրատն է մեզի համար,

     որովհետեւ Ֆաթիմա քաւութեան յորդորն է ուրիշին համար մեր կողմէն,

     որովհետեւ Ֆաթիմա փրկութեան ուղին է բոլորիս ու բոլորին համար,

     որովհետեւ Ֆաթիմա ուրախութեան երաշխիքն է Սիրամօր Անարատ Սրտին հետ,

     որովհետեւ Ֆաթիմա Մարիամի առաջնորդութեամբ՝ յաւերժական մեր երջանկութիւնն է Աստուծոյ ներկայութեան մէջ:

Քոյրերս- Եղբայրներս, որպէս զի Ֆաթիմայի՝ Յիսուսի եւ Մարիամի մարդասիրութեան այս ճառագայթումները լուսաւորեն մեր արտաշխարն ու ներաշխարհը, Տեսլամօր խօսքերէն եւ երեւումներուն իմաստանպատակէն կը համադրեմ ամէնէն գլխաւոր կէտերը, զորոնք գործադրելու ենք մեր կեանքին մէջ:

Աղօ'քը: Պիտի ըլլանք ու մնանք աղօթասէր անձերը՝ հաւատքով , յոյսէն եւ սիրոյն մէջ՝ ջերմեռանդութեամբ:

Ս. Գրքին ընթերցո՝ւմը : Այս մեր հոգեմտաւոր անունդը մենք անտեսած ենք բոլորովին , եւ սակայն այնքան մենք ունինք Տիրոջ լոյսին ու խօսքին:

Ապաշխարութեան խորհո՝ւրը: Գլխաւոր զոհն վ մեր ապաքրիստոնէական մտածելակերպին եւ հեթանոսական ապրելաձեւին: Տիրոջ ողորմութեան ու բարութեան տուրքն է խոստովանանքը, զոր չկիրառելով ՝ զայն ապերախտօրէն կը շպրտենք շնորհաբաշխ Աստուածային ներողին երեսին:

Ս. Պատար՝գը : Աստուածային պաշտամունքին արժէքն ու արժանիքը մոռցած էք, ուստի, ձեր քմայքին ձգած էք մասնակցութիւնը Յիսուս Քրիստոսի խաչազոհին:

Ամենասուրբ Հաղորդութի'ւնը: Ամենասիրով եւ տարիներով առանց խոստովանանքին ձեր անարժան մերձեցումով Հաղորդութեան , ինչպէս Ս. Գիրքը կը սորվեցնէ , « պարտական պիտի ըլլաք Տիրոջ Մարմինին եւ Արեան ... որովհետեւ ով որ անարժանաբար կ'ուտէ ու կը խմէ, իր դատապարտութիւնը կը խմէ, քանի չի տեսներ Տիրոջ Մարմինը » ( 1 Կոր. 11,27,29) :

Պահեցողութի՝ւնն ու ծոմապահութի՝ւնը : Կա՝մ մոռացութեան կա'մ աւանդականութեան  մատնած ենք այս շատ կարեւոր արարքները սրբազան , որոնք մեր մէջ կը կերտեն մարդն աստուաածահաճոյ , առաքինի , մարդայկանականեւ ազգասէր:

Մահացուցո՝ւմն ու զոհաբերութի՝ւնը : Ա՝յս առաքինութիւններն ալ մոռցած կամ ցանցառադէպ ըրած ենք մեր մարմնին ,լեզուին, կամքին ու ցանկութեան զսպումին անտեսսումով ...:

Սուրբ Վարդարա՝նը : Ալեկոծուած սա մեր կեանքին մէջ լաստն է աստենական երջանկութեան ու յաւիտենական փրկութեան:Այս իսկ պատճառով ՝ Ֆաթիմայի Տեսլամայրը քանիցս շեշտեց    Վարդարանեան աղօթքին անհրաժեշտութիւնը:

Քոյրերս-եղբայրներս, սա հրահանգներուն մեր ճիշդ գործադրումը մեզ կ'առաջնորդէ մարդկային բարեմասնութիւններուն ձեռքբերումին եւ աստուածային առաքինութիւններով օժտումին:

Մարդկային բարեմասնութիւններուն ու աստուածային առաքինութիւններուն Թագուհին եւ Շնորհաբաշխն է Մարիամ , որ, Այն քարիմի մէջ, իր Եղիսաբէթ ազգականէն ողջունուեցաւ իբր « Օրհնեալը բոլոր կիներուն մէջ » եւ « Տիրոջս Մայրը » :

Այո' , Գաբրիէլ հրեշտակապետին  բերած աւետումի աւարտին եւ աստուածայղի Կոյսին այցելութեան ընթացքին՝ Մարիամ հանդիսացաւ անկարելիին Հաւատացողը , Տիրոջ խօսքն Ընդունողը , Աստուծոյ կամքին Համակերպողը , Հաւատքին Երանելին , Տիրոջ կողմէ ըսուած խօսքերն Ընկալողը , Տէրը Փառաբանողը , Փրկիչով Ցնծացողը, Հզօրին սքանչելիքներուն Ենթական , Սրբանունը Հռչակողը ,             Աստուծոյ խոնարհ Աղախինը, « բոլոր ազգերուն Երանի՝ »-ն:

Այս Անձը , Մայրը , որ իր Որդիէն ետք թիւ մէկ Անձնաւորութիւնն է երկնքին , պատմութեան ու Ժամանակին , աստենականին եւ անդենականին մէջ, Բեթղեհէմէն Գողգոթա ու Լուրտէն Ֆաթիմա , ընտրուեցաւ ըլլալու եւ մնալու առաջնորդը մեր երջանկացումին՝ մի'շտ Աստուծոյ ներկայութեան մէջ, թէ' հոս Վարը , եւ թէ' հոն վերը:

Քոյրերս- Եղբայրներս , վարին ու վերին միացումն է , զօդն է, կամուրջն է Մարիամ, որուն յաւերժաբեր առաջնորդութիւնը կը մաղթեմ ձեզի եւ ինծի : Ամէն.

Հայր Գէորգ եպիսկոպոս Ասատուրեան