Նախագահ Սերժ Սարգսեան շնորհաւորական ուղերձ յղած է Իրանի նախագահ Հասան Ռուհանիին։
Շաբաթ, 20 մայիսին նախագահ Սերժ Սարգսեան շնորհաւորական ուղերձ յղած է Իրանի նախագահ Հասան Ռուհանիին` Իրանի նախագահի ընտրութեան տարած յաղթանակին առիթով:
«Վստահ եմ, որ ձեր հետագայ պաշտօնավարման ընթացքին բարեկամ եւ դրացի Իրանը պիտի շարունակէ իր վերընթաց զարգացման ուղին` կարեւոր եւ նշանակալի ներդրում ունենալով շրջանային խաղաղութեան եւ կայունութեան հաստատման գործին մէջ:
«Լիայոյս եմ, որ մեր միացեալ ջանքերուն շնորհիւ հայ-իրանական աւանդական ջերմ եւ բարեկամական յարաբերութիւնները պիտի շարունակեն զարգանալ եւ ամրապնդուիլ բոլոր մարզերուն մէջ` արձանագրելով մեր ժողովուրդներուն միջեւ փոխադարձ գործակցութեան որակական նոր մակարդակ:
«Ձեզի կը մաղթեմ քաջառողջութիւն, նորանոր յաջողութիւններ ձեր նախաձեռնութիւններուն մէջ, իսկ Իրանի բարեկամ ժողովուրդին` յարատեւ խաղաղութիւն եւ բարօրութիւն», ըսուած է հանրապետութեան նախագահի շնորհաւորական ուղերձին մէջ:
| All the contents on this site are copyrighted ©. |