Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ֆրանչիսկոս Պապին Յունիս ամսուայ ընթացքին գլխաւորելիք ծիսական արարողութիւնները։

Ֆրանչիսկոս Պապ - AFP

18/05/2017 12:00

(Ռատիօ Վատիկան) Քահանայապետական ծիսակատարութիւններու գրասենեակը հրապարակեց Ֆրանչիսկոս Սրբազան Քահանայապետին յառաջիկայ Յունիս ամսուայ ընթացքին գլխաւորելիք ծիսական արարողութիւններու օրացոյցը։

Յունիս 4-ին Պենտեկոստէի տօնին առիթով Ֆրանչիսկոս Սրբազան Քահանայապետը Սուրբ Պետրոսի հրապարակին վրայ կը գլխաւորէ Սուրբ Պատարագի արարողութիւնը մինչ կիրակի 18 Յունիսին` Յիսուսի Մարմնոյ եւ Արեան տօնին առթիւ, Նորին Սրբութիւնը Լատերանի Սուրբ Յովհաննէսի անուան Քահանայապետական պազիլիքայի տարածքին, երեկոյեան 7-ին, կը հանդիսապետէ Սուրբ Պատարագի զոհին որուն կը յաջորդէ Յիսուսի Մարմնոյ եւ Արեան տօնին աւանդական թափօրը` որ Լատերանի Սուրբ Յովհաննէսի Պազիլիքայէն կ՛ուղղուի դէպի Տիրամօր նուիրուած Սանթա Մարիա Մաճորէ Պազիլիքա ուր տեղի կ՛ունենայ Սուրբ Հաղորդութեան օրհնութեան կարգը։

Յունիս 29-ին կը յիշատակուի Սուրբ Պետրոս ու Սուրբ Պօղոս առաքելապետերու տօնը։ Այս առթիւ Ֆրանչիսկոս Սրբազան Քահանայապետը` Վատիկանի Սուրբ Պետրոսի Մայր տաճարին մէջ կը գլխաւորէ Սուրբ Պատարագի արարողութիւնը որուն ընթացքին տեղի կ՛ունենայ նաեւ` նոր անուանուած Արքեպիսկոպոսներու Եմիփորոնի սանձման արարողութիւնը։

18/05/2017 12:00