Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Ազգային

Արցախի «Նոր Կիլիկիա» գիւղի տուները կը տրուին Արցախի նահատակներու ընտանիքներուն

Արցախ - AFP

09/05/2017 10:06

Մեծի Տանն Կիլիկիոյ կաթողիկոսութեան մամլոյ գրասենեակը կը  հաղորդէ, թէ կաթողիկոսութեան նախաձեռնութեամբ, Արցախի մէջ «Նոր Կիլիկիա» անունով գիւղ մը հաստատուեցաւ իր նորակառոյց բնակարաններով եւ անհրաժեշտ կառոյցներով ու յարմարութիւններով: Արամ Ա. կաթողիկոսի եւ Արցախի իշխանութեան յատուկ կարգադրութեամբ «Նոր Կիլիկիա»-ի տուները առաջնահերթութեան կարգով պիտի յատկացուին Արցախի նահատակներու ընտանիքներուն:

Կաթողիկոսութիւնը կը յայտնէ, որ «Նոր Կիլիկիա» գիւղի բնակարաններու շինութեան երկրորդ հանգրուանը աւարտած է եւ պաշտօնական բացումը տեղի ունեցաւ 8 մայիսին: Պաշտօնական բացումին, յանուն Մեծի Տանն Կիլիկիոյ կաթողիկոսութեան մասնակցեցաւ Ազգային Կեդրոնական վարչութեան Կրօնական ու Քաղաքական ժողովները ներկայացնող պատուիրակութիւն մը:

09/05/2017 10:06