2017-05-02 12:41:00

Ֆրանչիսկոս Պապի 2 մայիսի քարոզը. ՝՝Տէրը կարող է քարէ սիրտը փոխելու միսէ սիրտի՝՝։


(Ռատիօ Վատիկան) Երեքշաբթի, 2 մայիս 2017-ին, Վատիկանի Տոմուս Սանթա Մարթայի մատրան մէջ Ֆրանչիսկոս Սրբազան Քահանայապետ մատուցանեց Սուրբ Պատարագի զոհը,  եւ այս առթիւ արտասանած քարոզը կեդրոնացուց օրուան Սուրբ Գրային ընթերցումին վրայ ուր կը խօսուի Սուրբ Ստեփանոսի նահատակութեան մասին։

՝՝Սուրբ Ստեփանոս`  հնազանդութեան վկայ է'' Յիսուսի նման,  եւ ասոր համար նահատակուեցաւ'' ըսաւ Սրբազան Հայրը հաստատելով որ ամէն մէկ քրիստոնեայ վկան է հնազանդութեան։

Անդրադառնալով օրուան Սուրբ Գրային ընթերցումին Սրբազան Հայրը ըսաւ ''Բոլոր անոնք որոնք Յիսուսը քարկոծեցին չէին հասկցած Աստուծոյ խօսքը եւ  այս պատճառաւ է որ Սուրբ Ստեփանոս զանոնք կոչած է յամառները՝՝։ 

Սրբազան Հայրը ապա յորդորեց խորհրդածել  Աստուծոյ խօսքը չի հասկնալու զանազան պատճառներու մասին,  օրինակ բերելով Էմմաւուսի աշակերտները զոր  Յիսուս ''անմիտ'' կը համարէ,  որովհետեւ անոնք,  կարող չէին հասկնալու վախի մէջ ապրելուն ու հարցերէն  խուսափելու համար ։   Վախի մէջ կը գտնուէին , սակայն բարի եւ բաց էին ճշմարտութեան։    Եւ երբ Յիսուս զիրենք յանդիմանեց, աշակերտները թոյլ տուին­ որ Յիսուսին խօսքերը իրենց սրտերուն մէջ մտնէ  եւ ջերմացնէ զանոնք։։    Մինչ՝ անոնք որոնք Սուրբ Ստեփանոսը  քարկոծեցին , անոնք զայրացած էին եւ չէին ունկնդրեր Աստուծոյ խօսքը  ։

Այս է  փակ սրտի , կարծր սրտի  ողբերգութիւնը, հաստատեց Սրբազան Քահանայապետը  շեշտելով թէ փակ սրտեր ունեցող անձերը  շատ կը չարչարեն եկեղեցին­, այն սրտերը,  որոնք չեն ուզեր բացուիլ,­ այն սրտերը որոնք լոկ կ՝ուզեն դատապարտել եւ չեն ուզեր բացատրութիւններ խնդրել, որովհետեւ անոնց սրտերուն մէջ տեղ չկայ Սուրբ Հոգիին­ ըսաւ Սրբազան Հայրը ընդգծելով որ Սուրբ Ստեփանոս  լի էր Սուրբ Հոգիով եւ ասոր համար ան ամէն  ինչ լաւ հասկցած էր եւ Յիսուսի հնազանդութեան վկան հանդիսացաւ ։

Էմմաւուսի այդ երկու աշակերտները մենք ենք ըսաւ ապա Նորին Սրբութիւն, մեր կասկածներով ու մեր մեղքերով երբ կ՛ուզենք հեռանալ Խաչէն, չարչարանքէն, ապա տեղ կու տանք Յիսուսի խօսքերուն, որոնք մեր սիրտը կը ջերմացնեն։

Այսօր ըսաւ Սրբազան Քահանայապետը  քնքշութեամբ նայինք Յիսուսին` հնազանդութեան վկան։ Վեհանձն Վկան. Անոր հետ մտնենք երկխօսութեան մէջ ու հայցենք շնորհքը, որպէսզի մեր կարծր սրտերը կակուղցնէ.  կակուղցնէ կարծր սրտերը, որոնք միշտ  օրէնքին մէջ կը  փակուին եւ կը դատապարտեն ամէն ինչ որ օրէնքէն դուրս է։ Անոնք գիտակից չեն թէ Աստուծոյ քնքշութիւնը կարող է քարէ  սիրտը  տեղափոխել  անոր տեղ  միսէ սիրտ մը զետեղել''  ըսաւ Ֆրանչիսկսո Պապ քարոզի աւարտին։








All the contents on this site are copyrighted ©.