Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Միջազգային

Կարելի չէ Արցախի տագնապը լուծել՝ առանց ժողովուրդին կամքը նկատի առնելու. Իրան

Արցախի խորհրդանիշ - AFP

02/05/2017 10:10

Արցախի հակամարտութեան կարգաւորման ջանքերուն մէջ մեծ դեր կը խաղայ երկու գործօն՝ ժամանակն ու հակամարտութեան կողմերու մտադրութեանց լրջութիւնը. այս մասին յայտարարած է Իրանի արտաքին գործոց նախարարութեան խօսնակ Պահրամ Քասեմի:

«Հակամարտութեանց լուծման կարելի է հասնիլ, երբ բոլոր գործօնները նկատի առնուին: Այդ պատճառով ալ կը կարծեմ, որ ճիշդ չէ այն կարծիքը, թէ Արցախի հակամարտութիւնը կարելի է լուծել մէկ մարդու կամ մէկ երկրի կողմէ», յայտարարած է բանբերը:

Քասեմի նաեւ նշած է, որ Արցախի հակամարտութեան կարգաւորման հիմնական գործօններէն մէկը ժողովո՛ւրդն է։ «Պէտք է լրջօրէն մօտենալ այդ հարցին: Առանց ժողովուրդի կամքը հաշուի առնելու՝ Արցախի հակամարտութիւնը լուծելը անկարելի՛ է: Այս հակամարտութեան կարգաւորման հարցով ժողովուրդին դերը վճռորոշ պիտի ըլլայ», շեշտած է ան:

 

02/05/2017 10:10