2017-04-25 14:42:00

Ֆրանչիսկոս Պապ, կ՝աղօթեմ Թաուատրոս Բ պապին եւ Ղպտի եղբայրներուն համար։


(Ռատիօ Վատիկան) Չորեքշաբթի, 25 ապրիլ  2017-ին, Սուրբ Մարկոսի տօնին առիթով, որ է հիմնադիրը Եգիպտոսի Աղեքսանդրիոյ եկեղեցւոյ, Ֆրանչիսկոս Սրբազան Քահանայապետ, Տոմուս Սանթա Մարթայի մատրան մէջ մատուցած Սուրբ Պատարագը նուիրեց Ղպտիներու Թաուատրոս Բ Պատրիարքին եւ Ղպտի հաւատացեալներուն, որոնց հետ յառաջիկայ օրերուն հանդիում   պիտի ունենայ Եգիպտոս կատարելիք  առաքելական ճամբորդութեան ընթացքին։

Սանթա Մարթայի մատրան մէջ մատուցած Սուրբ Պատարագի սկիզբը Ֆրանչիսկոս Պապ ըսաւ,  ՝՝այսօր Սուրբ Մարկոս Աւետարանիչին տօնն է , հիմնադիրը Աղեքսանդրիոյ եկեղեցւոյ։ Այս Սուրբ Պատարագը կը նուիրեմ իմ եղբօր Թաուատրոս Բ պապին՝ Աղեքսանդրիոյ ղպտիներուն պատրիարքին,  հայցելով Տիրոջմէ որ օրհնէ մեր երկու եկեղեցիները Սուրբ Հոգիին առատութեամբ ։  








All the contents on this site are copyrighted ©.