2017-04-20 11:27:00

13 մայիս 2017-ին,­ Սուրբ Պիտի հռչակուին Ֆաթիմայի երկու փոքրիկ հովիւները։


(Ռատիօ Վատիկան) Հինգշաբթի, 20 ապրիլ 2017-ին, առաւօտեան ժամը 10,00ին,  Ֆրանչիսկոս Պապ  նախագահեց առաւօտեան երրորդ ժամու ժամերգութեան արարողութեան, որմէ ետք գլխաւորեց  սուրբերու դատի ժողովի կարգ մը սուրբերու հայող կարդինալական ժողովը, որուն աւարտին Ֆրանչիսկսո Պապ յայտարարեց , թէ Ֆաթիմայի ՝  երանելի Ֆրանեսքօ եւ Ճաչինդա Մարթօ երկու  փոքիրկ հովիւներու  սրբադասման արարողութիւնը տեղի պիտի ունենայ յառաջիկայ 13 մայիս 2017ին, իր Ֆաթիմա կատարած առաքելական ճամբորդութեան ընթացքին, Ֆաթիմայի Տիրամօր երեւումներու 100-րդ տարեդարձի առթիւ։   

Կարդինալական վերոնշեալ ժողովը ապա որոշեց,  յառաջիկայ 15 հոկտեմբեր 2017-ին, խորաններու պատւոյն բարձրացնել ու սրբադասման արարողութիւնը կատարել հետեւեալ երանելիներուն ։  

Երանելիներ՝  Անտրէա Տէ Սովերալ , Ամպրոժիօ Ֆրանչեսքօ ֆերրօ, Մաթթէօ Մորեյրա Թեմական Քահանաներն ու անոնց 25 մարտիրոս ընկերները։    

Երանելի Քրիսթոֆորօ, Անթոնիօ եւ Ճովաննի չափահաս մարտիրոսները

Քալասանցիանօ Աստուածային ՝՝Փասթորա՝՝ դուստրերու հաստատութեան հիմնադիր Հայր Ֆաուսթինօ Միկեզ։

Փոքրիկ եղբայրներու միաբանութեան անդամ, հայր Անճլելօ Աքրի

Նշենք թէ Ֆաթիմայի երկու հովիւները  երանի հռչակուեցան 13 մայիս 2000 թուականին, յոբելինական Սուրբ տարուան ընթացքին,  Փորթուկալի սրբավայրին մէջ,  Սուրբ Յովհաննէս Պօղոս Բ քահանայապետին կողմէ։  Երանացման արարողութեան ներկայ գտնուած էր նաեւ  Քոյր Լուչիա, որ ինք եւս ականատես  եղած էր  Ֆաթիմայի Տիրամօր երեւումներուն։ Ան վախճանած է 98 տարեկանին ՝ 13 փետրուար 2005ին։








All the contents on this site are copyrighted ©.