Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Ընկերութիւն եւ Մշակոյթ

Հանրաքուէէն ետք՝ Թուրքիոյ մամուլին վիճակը պիտի վատթարանայ. Լրագրողներ Առանց Սահմաններու։

Թուրքիոյ մէջ մամուլի ազատութիւնը կաշկանդուած է - ANSA

20/04/2017 09:37

ԵՐԵՒԱՆ, «Էրմենիհապեր».- Լրագրողներու իրաւանց պաշտպան միջազգային՝ Լրագրողներ առանց սահմաններու կազմակերպութեան բանբեր Մայքըլ Ռետիսք յայտարարած է, թէ Թուրքիոյ մէջ կայացած սահմանադրական փոփոխութեանց հանրաքուէէն ետք՝ երկրին մէջ ազատ մամուլին վիճակը աւելիո՛վ պիտի վատթարանայ:

Ըստ գերմանական «Տէօչէ Վելլէ» լրատուամիջոցին՝ Ռետիսք ընդգծած է, որ Թուրքիոյ շարք մը քաղաքներու մէջ, ուր ընդդիմադիր մամուլը աշխոյժ գործունէութիւն կը ծաւալէ, բնակչութեան մեծամասնութիւնը «ո՛»չ քուէարկած է սահմադրական փոփոխութիւններուն:

«Կ՛ենթադրեմ, որ նախագահ Էրտողան երկրին մէջ մնացած վերջին անկախ լրատուամիջոցները լռեցնելու համար յաւելեալ ճնշումներ պիտի գործադրէ: Լաւատես չեմ այն մարդոց նման, որոնք յոյս ունին, թէ Էրտողան հանրաքուէէն ետք գթասրտութիւն պիտի դրսեւորէ: Ան պարզապէս գթասիրտ չէ՛: Ընդհակառակը, ան կռուազան միապետ մըն է», ըսած է Ռետիսք։

 

20/04/2017 09:37