''Որ ի Հօրէ առաքեալ'' Սուրբ Գրիգոր Լուսաւորչի նուիրուած շարականը։

(Ռատիօ Վատիկան) Շաբաթ` Ապրիլ մէկին կը նշուի Սուրբ Գրիգոր Լուսաւորիչի Խոր Վիրապ մուտքի տօնը։ Ստորեւ կը ներկայացնենք   ''Որ ի Հօրէ առաքեալ'' Սուրբ Գրիգոր Լուսաւորչի նուիրուած շարականը։

Որ ի Հօրէ առաքեալ արեգակն արդար, ծագեցեր ընդ տիեզերս զլոյս քո առաքելովքն.զՔեզ բարեբանեմք Աստըւած հարցն մերոց.

Որ փոխանակ առաքելոցն առաքեալ և քարոզ, առաքեցեր հայաստանեայց զսուրբն Գրիգոր. զՔեզ բարեբանեմք Աստըւած հարցն մերոց.

Որ զխաւարն անգիտութեան հիւսիսականացս, հալածեցեր լուսափայլ բանիւ սրբոյն Գրիգորի. զՔեզ բարեբանեմք Աստըւած հարցն մերոց.

Ընդ Լուսաւորչին լուսաւորեալք նովաւ բարձր արարէք զլոյսն անըստուեր: Այսօր ժողովուրդք հայաստանեայց աշակերտեալք ճշմարտութեանն ի ձեռն սրբոյն Գրիգորի. Օրհնեցէք զլոյսն անըսկիզբն. բարձր արարէք զնա յաւիտեան:

Այսօր նորածնեալք աւազանաւն, լուսաւորեալք իմաստութեամբի ձեռն սուրբ Լուսաւորչին. Գովեցէք զլոյսն ի Հօրէ. բարձր արարէք զնա յաւիտեան:

Այսօր երկնային պատարագին կատարող քահանայութիւն, ի ձեռն սուրբ քահանայապետին։ Բարեբանեցէք զբաշխողն շնորհաց. բարձր արարէք զնա յաւիտեան: