Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Սուրբ պիտի հռաչկուին Ֆաթիմայի Տիրամօր երեւման ականատես եղած երկու փոքրիկ հովիւները։

Ֆրանչեսքօ եւ Ճաչինդա Մարթօ փոքրիկ հովիւները - ANSA

24/03/2017 10:23

(Ռատիօ Վատիկան) Տիեզերական Կաթողիկէ եկեղեցին մօտ ապագային պիտի հարստանայ նոր 36 սուրբերով եւ 40 երանելիներով։ Արդարեւ՝ հինգշաբթի, 23 մարտ, 2017-ին, Ֆրանչիսկոս Պապ իր գրասենեակին մէջ ընդունելով Սուրբերու դատի ժողովի կառավարիչ՝ Կարդինալ Անճելօ Ամաթոն, արտօնութիւն շնորհեց ծիրանաւորին հրապարակելու սուրբերու դատի ժողովի կողմէ ուսումնասիրուած  նոր հրամանագիրերը։

Ֆրանչիսկոս Պապի կողմէ վաւերացուած Սուրբերու հայող նոր սուրբերուն հռչակման հրամանագիրերու շարքին  կը գտնուին ,  Ֆաթիմայի Տիրամօր երեւման ականատես եղած երկու երանելիներ՝ Ֆրանչեսքօ եւ  Ճաչինդա Մարթօ փոքրիկ եղբայրները։

Նշենք­ , թէ այդ երկու փոքրիկները հարիւր տարի առաջ ականատես եղած են Ֆաթիմայի Տիրամօր երեւման, որոնք Տիրամօր հրաշագործ երեւումէն  մի քանի տարիներ ետք  մահացած են՝ մէկը 10 տարեկանին իսկ երկրորդը 11 տարեկանին։ 

Յայտնենք թէ Ֆրանչիսկոս Պապ  Ֆաթիմայի Տիրամօր երեւման հարիւր ամեակի առթիւ,յառաջիկայ 12 եւ 13 մայիսին,  ուխտագնացութիւն  պիտի կատարէ  Ֆաթիմայի  Տիրամօր Սրբավայր ։

Սուրբերու դատի ժողովին նոր սուրբերու հրամանագիրերու շարքին կան նաւ , Քափուչինոներու միաբանութեան անդամ  երանելի Անճելօ Տա Աքրի, որ 17 դարուն, Նափոլիի արքայական քաղաքը ամբողջութեամբ շրջելով քարոզած է Աստուծոյ խօսքը  սահուն եւ պարզ ոճ օգտագործելով։

հրամանգիրերու շարքին կը գտնուին նաեւ 33 Աստուծոյ ծառաներու  մարտիրոսութեան հայող  վաւերագիրեր մինչ 40 նոր երանելիներու շարքին են , 1936-ին, Սպանիոյ մէջ քաղաքացիական պատերազմի ընթացքին նահատակուած  Հայր Ժուզեփփէ Մարիա Ֆերնատեզ Սանչեզ ու իր 32 քահանայ եղբայրակիցները։

 

24/03/2017 10:23