Նոր Աւետարանացման խորհուրդի հաղորդագրութիւնը հայող՝ 24 ժամ Տիրոջ համար աղօթք ձեռնարկին։

(Ռատիօ Վատիկան) Քահանայապետական նոր Աւետարանացման խորհուրդը հրապարակեց հաղորդագրութիւն մը հայող 24-25 մարտ 2017-ին կայանալիք,  ՝՝24 ժամ Տիրոջ համար աղօթք'' ձեռնարկին,  որուն մէջ կը նշէ թէ այս տարի եւս վերոյիշեալ աղօթքի ձեռնարկը տեղի պիտի ունենայ Քառասնորդաց շրջանի ընթացքին­ յառաջիկայ 24 եւ 25 մարտ 2017-ին։

Այս առթիւ Ֆրանաչիսկոս Պապ , Սուրբ Պետրոս հրապարակին վրայ պիտի նախագահէ ապաշխարութեան ծիսական արարողութեան, մէկ շաբաթով կանխելով  այն թուականը երբ  բոլոր եկեղեցիներուն մէջ պիտի մատակարարուի  խոստովանանքի խորհուրդը՝  նոր Աւետարանացման  ուղեւորութեան ծիրէն ներս։   

2017 թուի խոստովանանքի մատակարարման արարողութեան նիւթն  է ՝՝Ողորմութիւն կ՝ուզեմ՝՝ հատուածը քաղուած` Մատթէոս Աւետարանէն  (Մաթտ 9,13)   

Նոր Աւետարանացման խորհուրդի հրապարակած հաղորդագրութեան մէջ նշուած է որ  24 ժամ Տիրոջ համար աղօթք ձեռնարկի առիթով,   Հռոմի Սանթա Մարիա ին Թրասթեվերէ եւ Սթիմաթէ Տի Սան Ֆրանչեսքօ եկեղեցիներու դռները բաց պիտի մնան  հաւատացեալներու առջեւ,  մինչեւ երեկոյեան ժամը 8-ը՝ առիթ ընծայելով անոնց մօտենալու ապաշխարութեան խորհուրդին։   

Վերոնշեալ աղօթքի ձեռնարկը պիտի եզրափակուի շաբաթ, 25 մարտ 2017-ին, երեկոյեան ժամը 6,00-ին Սանթօ Սփիրիթօ Ին Սասսիա եկեղեցւոյ մէջ կայանալիք գոհաբանական երեկոյեան ժամերգութեամբ,  զոր պիտի նախագահէ` Նոր Աւետարանումի Քահանայապետական խորհուրդի նախագահը` Գերապայծառ Ռինօ Ֆիզիքելլան։