Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Ազգային

Տասէ աւելի Ֆրանսացի գործարարներ հետաքրքրուած են` գործունէութիւն ծաւալելու Հայաստանի մէջ

Երեւան մայրաքաղաք

11/03/2017 09:12

Նախագահ Սերժ Սարգսեան Ֆրանսա կատարած պաշտօնական այցի ծիրէն ներս հանրապետութեան հեղինակաւոր գործարարներու միութիւնը (ՄԵԴԵՖ) «Ֆրանսայի ձեռնարկութիւններու շարժում» կազմակերպութեան մէջ հանդիպում մը ունեցած է կազմակերպութեան անդամներուն հետ:

ՀՀ տնտեսական զարգացման եւ ներդրումներու նախարար Սուրէն Կարայեանը հանդիպման ընթացքին հանդէս եկած է զեկոյցով: ՀՀ տնտեսական զարգացման եւ ներդրումներու նախարարութեան մամուլի ծառայութեան հաղորդմամբ, նախարար Սուրէն Կարայեան իր ելոյթին մէջ խօսած է ՀՀ Կառավարութեան ծրագիրներուն, ներդողներու համար օրէնսդրական բարեփոխումներու եւ ներդրումային քաղաքականութեան մասին։ Նախարարը գործարարներու ուշադրութեան ներկայացուցած է շարք մը ներդրումային ծրագիրներ, որոնք մշակուած են ՀՀ կառավարութեան կողմէ, ինչպէս նաեւ Հայաստանի ներդրումային գրաւչութիւնները, ազատ տնտեսական գօտիները, արտօնեալ առեւտրային կարգերը, մուտքը մեծ շուկաներ եւ այլն:

Նախարար կարանեան ընդգծած է, որ կայ հայ-ֆրանսական լայն տնտեսական համագործակցութիւն, սակայն հարկաւոր է իրացնել առկայ ողջ ներուժը աւելի խորացնելու զայն` փոխգործակցելով ներդրումային ծրագիրներու շուրջ, բազմազանեցնելով եւ ընդլայնելով ֆրանսական դրամագլուխը Հայաստանի մէջ:

Զեկոյցի աւարտին գործարարները նախարարին յղած են շարք մը հարցեր, որոնք հիմնականօրէն կ՛առնչուին Հայաստանի մէջ ներդրումային նախագիծեր իրականացնելու պայմաններուն, ԵԱՏՄ, իրանական, եւրոպական շուկայ մուտք գործելուն եւ այլն:

ՀՀ տնտեսական զարգացման եւ ներդրումներու նախարար Սուրէն Կարայեան Փարիզի  մէջ անհատական հանդիպումներ ունեցած է տասէ աւելի գործարարներու հետ, որոնք հետաքրքրուած են` գործունէութիւն ծաւալելու Հայաստանի մէջ (գիւղատնտեսութիւն, տեղեկատուական արհեստագիտութիւններ եւ այլն): Պայմանաւորուածութիւններ ձեռք բերուած են հետեւեալ կազմակերպութիւններու հետ ` Airbus Group, Oberthur Technologies, Artelia ,Bureau Veritas, Inotech International, Farmex Technoligies, MDP Consulting, Sodiaal Web.ISI, Jamaris, Ֆրանսիայի մէջ Հայաստանի Առեւտուրի եւ արդիւնաբերութեան պալատ:

 

11/03/2017 09:12