Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցական

Ամենայն Հայոց կաթողիկոսը շնորհաւորած է Արամ Ա. կաթողիկոսի ծննդեան 70-ամեակը

Գարեգին Բ եւ Արամ Ա հայրապետները - REUTERS

09/03/2017 09:27

8 մարտին Ամենայն Հայոց Գարեգին Բ. կաթողիկոսը շնորհաւորագիր  յղած է Մեծի Տանն Կիլիկիոյ Արամ Ա. կաթողիկոսին` ծննդեան 70-ամեայ յոբելեանին առիթով: Այս մասին կը յայտնեն Մայր աթոռ Ս. Էջմիածինի տեղեկատուական գրասենեակէն:

Նոյն օրը Ամենայն Հայոց հայրապետը նաեւ հեռաձայնային հաղորդակցութիւն մը ունեցած է Արամ Ա. կաթողիկոսին հետ եւ Մայր Աթոռ Ս. Էջմիածինի մէջ ընթացող Գերագոյն հոգեւոր խորհուրդի ժողովի մասնակիցներուն անունով շնորհաւորանքներ եւ բարեմաղթանքներ փոխանցած:

Ամենայն Հայոց կաթողիկոսը Մեծի Տանն Կիլիկիոյ Արամ Ա. կաթողիկոսին մաղթած է կեանքի արեւշատութիւն եւ արդիւնազարդ գահակալութիւն` ի պայծառութիւն Մեծի Տանն Կիլիկիոյ կաթողիկոսութեան:

09/03/2017 09:27