Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Աշխարհ \ Միջազգային

Հայաստանի հետ բանակցութիւնները կասեցուած են. Մամետեարով

Ատրպէյճանի արտաքին գործոց նախարար Էլմար Մամետեարով - AFP

08/03/2017 10:18

ՊԱՔՈՒ.- Ներկայիս, Հայաստանի հետ բանակցութիւնները կասեցուած են. Մարտ 7ին այսպէս յայտարարեց Ատրպէյճանի արտաքին գործոց նախարար Էլմար Մամետեարով, ըստ ատրպէյճանական «Էյ.Փի.Էյ.» լրատու գործակալութեան։ Ան սոյն յայտարարութիւնը կատարեց Մոսկուա իր այցելութեան ընթացքին, Ռուսիոյ արտաքին գործոց նախարարութեան հովանիին տակ գործող Դիւանագիտական վարժարանին մէջ ունեցած իր ելոյթին ժամանակ:

Ան անգամ մը եւս հայկական կողմը մեղադրեց բանակցութիւններէն հեռու մնալու յանցանքով։

«Առաջարկած ենք շարունակել առարկայական բանակցութիւնները, սակայն հայկական կողմը մերժած է: Ապրիլ 2ին, Հայաստանի մէջ տեղի պիտի ունենան խորհրդարանական ընտրութիւններ: Մենք նաեւ առաջարկած ենք բանակցութիւնները շարունակել անոնցմէ ետք եւս», աւելցուց Մամետեարով:

08/03/2017 10:18