(Ռատիօ Վատիկան) Չորեքշաբթի մարտ մէկին `Տիկին Մարի Քոլլինս հրաժարեցաւ մանուկներու պաշտպանութեան քահանայապետական յանձնախումբի անդամի իր պաշտօնէն, զոր կը վարեր 2014-էն ասդին։
Մարի Քոլլինս իր այս հրաժարականի պատճառը վերագրած է Հռոմէական Քուրիայի այլ գրասենեակներու վերոնշեալ յանձնախումբի հետ համագործակցութեան բացակայութեան։
Ֆրանչիսկոս Պապ հրաժարականին հանդերձ Տիկին Քոլլինսին ուղղեց շնորհակալութեան խօսքեր, այնպէս ինչպէս ըրաւ նաեւ յանձնախումբի նախագահը` Կարդինալ Օ Մալլէյ ու յանձնախումբի այլ անդամներ, յատուկօրէն շնորհակալութիւն յայտնելով Տիկին Քոլլինսին որ ընդունեց իր համագործակցութիւնը շարունակել ''դաստիարակչական'' մարզէն ներս։
Նշենք թէ Տիկին Քոլլինս` եղած է կղերական դասի անդամներու կողմէ կիրարկուած մանկապղծութեան թիրախ դարձած մանուկներէն մին։
Կարդինալ Օ Մալլէյ յայտնեց թէ Մանուկներու պաշտպանութեան քահանայապետական յանձնախումբի յառաջիկայ լիանիստ գումարի ընթացքին պիտի քննարկուին նաեւ Տիկին Քոլլինսի արտայայտած մտահոգութիւններու հարցերը։
All the contents on this site are copyrighted ©. |