Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Վատիկան \ Միջոցառումներ

Վատիկանի մէջ գիտաժողով նուիրուած ''Խմուելիք ջուրի մատչելիութեան իրաւունքին''։

Ջուրը

24/02/2017 09:19

(Ռատիօ Վատիկան) Քահանայապետական գիտութեանց կաճառի կազմակերպութեամբ Վատիկանի Պիոս Դ պալատին մէջ, 23 եւ 24 փետրուարին տեղի կ՛ունենայ ''Ջուրի մատչելիութեան մարդկային իրաւունքը'' նիւթով գիտաժողով մը, որուն ընթացքին  լուսարձակի տակ կը դրուի ''հաւաքական քաղաքականութեան կեդրոնական դերը` ջրային պաշարներու ու բնապահպանումի կառավարութեան շրջագիծէն ներս''։

Վերոնշեալ գիտաժողովին իրենց մասնակցութիւնը կը բերեն եկեղեցական բարձրաստիճան անձնաւորութիւններ ու աշխարհի զանազան երկիրներէ ժամանած մասնագէտներ։ Գիտաժողովի ընդհանուր նախագահն է Կարդինալ Քլաուտիօ Համմէս` Պրազիլի Սաօ Փաոլոյի եւ Կղերի Ժողովի երբեմնի կառավարիչը։

Ուրբաթ 24 փետրուարի յետմիջօրէին նախատեսուած է նաեւ Ֆրանչիսկոս Պապին զեկոյցը։

''Ի դէպ, խմուելիք ջուրի մատչելիութիւնը, էական, հիմնարար եւ մարդու տիեզերական իրաւունք մըն է, քանի որ անով կը սահմանուի մարդկանց գոյատեւումը, ուստի այդ պայման է  իրականացնելու  մարդկային այլ իրաւունքներ'' գրած է Ֆրանչիսկոս Պապը  ''Գովեալ ըլլաս'' շրջաբերական թուղթին մէջ մատնանշելով ջուրի մատչելիութեան իրաւունքին։

24/02/2017 09:19