Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Ճամբորդութիւններ եւ Այցելութիւններ

Ֆրանչիսկոս Պապին այցելութիւնը Հռոմի ''Roma Tre'' համալսարանին։

''Roma Tre'' համալսարանական համալիր - RV

17/02/2017 09:12

(Ռատիօ Վատիկան) Ուրբաթ 17 Փետրուար 2017-ին Ֆրանչիսկոս Սրբազան Քահանայապետը յատուկ այցելութիւն կը կատարէ Հռոմի ''Roma Tre'' համալսարանական համալիրին։

Սրբազան Քահանայապետը Վատիկանէն կը մեկնի 9,45-ին ու Համալսարանական կեդրոն ժամանեց 10-ին ուր զինք կը դիմաւորեն Համալսարանի Ռեկտոր  Փրոֆ Մարիօ Փանիցցա, ընդհանուր Տնօրէն` Տոքթ Փասքուալէ Պազիլիքաթա եւ ընդհանուր տնօրէնի տեղապահ Փրոֆ Մարիա Ֆրանչեսքա Ռենցին։

Նորին Սրբութիւնը կ՛ուղղուի համալսարանի ներքնափակ ուր նախատեսուած է հանդիպումը` համալսարանական ուսուցչական անձնակազմին ու աշակերտութեան հետ։

Սրբազան Քահանայապետին բարի գալուստի խօսք կ՛արտասանէ համալսարանի Ռետկորը որուն կը յաջորդեն Ֆրանչիսկոս Պապին ուղղուած չորս աշակերտներու համապատասխան հարցումներ, որոնց շարքին նաեւ Սուրիացի համալսարանականի հարցումը­, եւ Սրբազան Քահանայապետին պատասխաններն ու պատգամը։

Նորին Սրբութեան այս իւրայատուկ այցելութեան առիթով ''Roma Tre'' Համալսարանի Ռեկտոր  Փրոֆ Մարիօ Փանիցցա յայտնած է թէ ինք նամակ գրած էր Ֆրանչիսկոս Պապին` հանդիպում ունենալու համար համալսարանի աշակերտութեանց հետ եւ մեծ ուրախութեամբ ու յուզմունքով իմացաւ թէ Նորին Սրբութիւնը ընդառաջած էր այդ հրաւէրին։ Այս այցելութիւնը ունի ընկերային, քաղաքացիական ու մշակութային բնոյթ, ըսած է Համալսարանի Ռեկտորը ընդգծելով թէ Ֆրանչիսկոս Պապին յանձնառումը ի սպաս քաղաքացիական ընկերութեան ու յատկապէս ամենա տկարներուն նկատմամբ, պէտք է աշակերտութեան եւ ուսուցչական կազմին համար հանդիսանայ ուղեցոյց մը։

Փրոֆ Մարիօ Փանիցցա ապա հակիրճ ակնարկ կատարած է ''Roma Tre'' համալսարանի մասին որուն գործունէութիւնը ծնունդ առած է 1992 թուականին ծրագիր ունենալով վերարժեւորել նախկին արդիւնաբերական բնոյթ ունեցող տարածքները ու զանոնք յատկացնել ուսմունքի եւ հետազօտութեան եւ դաստիարակչական ասպարէզին։

17/02/2017 09:12